माघ २५ कञ्चनपुर । आसन्न प्रतिनिधिसभा सदस्य निर्वाचनमा कञ्चनपुरको शुक्लाफाँटा नगरपालिका वडा नम्बर–११ कलुवापुरका दलित समुदायले बस्तीे विकास गर्ने उम्मेद्धालाई मतदान गर्ने बताएका छन । उम्मेदवारहरु समर्थक सहित गाउँ, बस्तीमा पुगेर मतदातासँग भोट माग्ने क्रम्मा कलुवापुरका दलित समुदायले बस्तीे विकास गर्ने उम्मेद्धालाई मतदान गर्ने बताएका हुन । चुनावी प्रचार प्रसारमा गाउँ, बस्तीमा पुग्ने उम्मेदवारलाई उनीहरुले बस्ति विकास गर्नेलाई मतदान गर्ने बताएका छन ।
त्यसैगरी स्थानीयले पक्की पुल निर्माण, नमूना दलित बस्ती, स्वदेशमा रोजगारी, सिँचाइका लागि बोरिङ, सडक बत्ती तथा जग्गाको लालपुर्जा वितरण लगायतका माग अघि सारेका छन् । माग पूरा गर्ने प्रतिबद्धता सहित विश्वासिला उम्मेदवारलाई मतदान गर्ने बस्तीका दलित समुदायले बताएका छन । दलित बस्तीलाई नमूना बस्ती बनाउने र स्थानीय खोलामा पक्की पुलको माग पुरानै भएको स्थानीय धर्मबहादुर सार्कीले बताए ।
हालसम्म मागहरु पूरा नभएको बताउदै उनले वर्षौँदेखि खोला वारपार गर्न समस्या भए पनि पुल निर्माणको आश्वासन धैरै पटक पाएको बताए । आश्वासन मात्रै पाएको बताउदै उनले कसैले पुल निर्माणका लागी पहल नगरेको बताए । बस्ती नजिक स्वास्थ्य चौकी नहुँदा उपचारका लागि करिब एक घण्टा पैदल हिँड्नु पर्ने बाध्यता रहेको बताउदै उनले स्वास्थ्य चौकी पुगे पनि औषधिको अभाव सधैँ हुने गरेको बताए ।
निजी मेडिकलमा गएर चर्को शुल्क तिरेर औषधी किन्नु पर्ने अवस्था रहेको उनले बताए । त्यसैगरी समस्या समाधान गर्ने उम्मेदवारलाई मतदान गर्ने बताउदै स्थानीइ जञ्जाली सार्कीले बस्तीमा पुग्ने सडकको अवस्था पनि दयनीय रहेको बताए । वर्षौँदेखि धुलाम्मे र हिलाम्मे सडकमा आवत जावत गर्नुपरेको बताउदै उनले स्थानीय तह देखि प्रदेश सम्म पटक पटक सडक स्तरोन्नतिका लागि आग्रह गरे पनि सुनुवाइ नभएको बताए ।
’सडक बत्ती जडानको माग पनि पुरानै भएको बताउदै उनले सधैँ आश्वासन मात्रै पाउने भएकाले यसपटक माग पूरा गर्ने प्रतिबद्धता गर्नेलाई मतदान गर्ने बताए । सिँचाइका लागि बस्ती नजिक जडान गरिएको एउटा बोरिङ पर्याप्त नभएको बताउदै उनले रोपाइँको समयमा पानीका लागि मारामारको स्थिति पैदा हने गरेको बताए । अर्को बोरिङ जडान गरी सहज सिँचाइको व्यवस्था गर्नुपर्ने उनले माग गरेका छन । गाउँमा रोजगारीका अवसर नहुँदा अधिकांश युवा भारतका विभिन्न सहरमा कुल्ली र दरबानको काम गर्न बाध्य भएको स्थानीइ पदम सार्कीले बताए ।
गाउँमै परम्परागत सीपमा आधारित उद्योग स्थापना गर्ने र युवालाई तालिम दिएर रोजगारी सिर्जना गर्ने विषय हरेक चुनावमा सुनिने गरेको बताउदै उनले व्यावहारमा कहिल्यै लागु नभएकोे बताए । त्यसैगरी जग्गाको स्वामित्व सम्बन्धी समस्या पनि पुरानै भएको स्थानीइले गुनासो गरेका छन । वर्षौँदेखि लालपुर्जा पाउने आशामा बसेका उनीहरूले नापीको काम अघि बढे पनि लालपुर्जा कहिले पाइन्छ भन्ने टुङ्गो नभएको बताएका छन् ।
दलित समुदायका उनीहरुले यसपटक पूरै बस्तीको साझा धारणा बनेको बताउदै ’बस्तीका आवश्यकता पूरा गर्ने विश्वासिलो उम्मेदवारलाई मतदान गर्ने बताएका छन । कलुवापुरमा मात्रै साठी घर दलित समुदायले बसोबास गर्दै आएका छन भने पूरै वडामा १ सय ८० घर परिवार दलित समुदायकोे बसोबास रहेको उनीहरुले बताएका छन ।
