माघ २१ बाजुरा । बाजुराको बडीमालिका नगरपालिका वडा नम्बर–४, ओलेनावासीले बस्ती स्थान्तरण गर्न उम्मेदवारलाई माग गर्ने गरेका छन् ।
आगमी फागुन २१ गते हुने प्रतिनिधि सभा निर्बाचनका लागी गाउँमा मत माग्न आउने उम्मेदवारहरूलाई ओलेनाबासीले बस्ती स्थान्तरण गर्न माग गर्ने गरेका हुन् ।
१३ घर परिवारको बसोवास भएको ओलेना बस्ती २०६७ साल देखि बाढीपहिरोको जोखिममा परेपछि उनीहरुले बस्ति जोगाउन माग माग गर्दै आएका छन ।
बडीमालिका नगरपालिका वडा नम्बर–४, रिलाका स्थानीय कमल नाथले वर्खाको समय बस्तीका स्थानीयलाई कहाँ गएर बस्ने भन्ने चिन्ताले सताउने गरेको बताए ।
यही चिन्ता दुर गर्नका लागि स्थानीयले यती बेला चुनावमा गाउँमा मत माग्न आउने गरेका उम्मेदवारहरूलाई आफ्नो बस्ती जोगाउन माग राख्ने गरेको बताए ।
साँफे–मार्तडी सडक अन्तर्गत पर्ने ओलना सडकको मुनी ओलेना बस्ती भएको बताउदै उनले बस्ती स्थानान्तरणका लागि धेरै नेतालाई हार गुहार गरेको भए पनि कही कतैबाट माग पूरा नभएको नाथले बताए ।
बस्ती जोगाउने प्रतिबद्धता गर्ने उम्मेदवारलाई मात्र स्थानीइले मतदान गर्ने उनले बताए । स्थानीय प्रदेश र सङ्घीय सरकारसँग यस भन्दा पहिला पनि बस्ती स्थानान्तरण गर्न माग गर्दै आएको बताउदै उनले बस्ती स्थानान्तरण गर्न अहिले सम्म कतै देखि सुनुवाई नभएको बताए ।
बस्ती जोगाउन वा घेरबारका लागि व्यवस्था गर्नेलाई यो निर्बाचनमा स्थानीइले मतदान गर्ने उनले बताए । बस्ती स्थानान्तराण गर्नका लागि केही प्रतिबद्धता गर्नेलाई स्थानीय सबैले मतदान गर्ने नाथले बताए ।
बाजुराका १ सय ३५ भन्दा बढी बस्ती बाढीपहिरोको जोखिममा छन् । बाजुराको पूर्वी उत्तर क्षेत्रमा पर्ने कर्णाली , दानसाँगु , विच्छ्या र तल्लो क्षेत्रका बुढीगङ्गा , भौनेरा राप्का सेलाघाट, बल्दे, सेरा र बार्जुगाड, बजेडी, मुस्तोला, डोगडी, पाटा र नाइना लगायतका बस्ती पहिरोको उच्च जोखिाम रहेका छन् ।
वर्खाको समय यी बस्तीका स्थानीयलाई खुला चौरमा त्रिपाल टाँगेर बस्नु पर्र्ने बाध्यता रहेको छ । यस्तो समस्या हुँदा पनि बस्ती स्थानान्तरणका लागि अहिले सम्म कुनै पहल गरिएको देखिएको छैन । जिल्ला प्रशासन कार्यालय बाजुराले भने ओलेना बस्ती स्थानान्तरणका लागि गृह मन्त्रालयमा पत्रचार गरेको जानकारी गराएको छ ।
