माघ १६ धनगढी । कैलालीको गोदावरी नगरपालिका वडा नम्बर–४ बन्दगडाको कौसी गंगाको छेउमा ६५ बिघा जमिनमा मष्टा धाम निर्माण गरिएको छ । धाम क्षेत्रलाई पाँच भागमा विभाजन गरेर मन्दिर लगायतका भौतिक संरचनाहरू निर्माण गरि मष्टा धाम निर्माण गरिएको हो ।
धाममा दुधे मष्टो र दाडे मष्टाका थानहरू सहित १२ वटै मष्टाका शीलाहरू राखिने मष्टा धाम विकास समितिका अध्यक्ष गणेश जिवी साउँदले बताए । बन्दगडामा विश्वको एक मात्र मष्टा धाम बनाएको बताउदै उनले विश्वमा मष्टाको धाम नभएको बताए ।
माघ १९ गते शीला राख्ने बताउदै उनले मष्टा देवता पञ्जावको जलान्धरबाट पनि शीला ल्याएको बताए । माघ २३ गते प्राण प्रतिष्ठान गनेृ बताउदै उनले बन्दगडामा २०७५ साल देखि मष्टा धाम निर्माण कार्य सुरु गरिएको बताए । धाम निर्माणका लागि स्थानीयले भूमि दान गरेको जानकारी गराउदै उनले धाममा पश्चिमको महाकाली देखि पूर्वमा त्रिशूली नदीका शीलाहरु ल्याइएको बताए ।
भारतको पञ्जावबाट समेत शीला ल्याइएको जानकारी गराए । त्यसैगरी मष्टा धाम व्यवस्थापन समितिका सचिव भीमबहादुर साउँदले भौतिक संरचना निर्माणको काम अझै जारी रहेको बताए । दुधे मष्टो र राडे मष्टोको मन्दिर बनाएको बताउदै उनले पार्क बनाउन बाँकी रहेको बताए ।
चार वटा थानहरू भएको बताउदै उनले धार्मिक क्षेत्र भएको बताए । गणेश थान,कालिका थान बनाएको बताउदै उनले मष्टोको नाम फरक–फरक भएको बताए । सबैका लागि धाम बनाएको बताउदै उनले सबैको आस्थाको केन्द्र बनाउने लक्ष्य रहेको बताए । सबैले यो धाममा पूजा गर्न सकुन भन्ने उदेश्यले ११ फिटको मष्टा शीला बनाएको बताए ।
विकास समितिले धनगढीको शिवपुर धाम, बेहडाबाबा मन्दिर, गोदावरी धाम र मष्टा धामलाई धार्मिक पर्यटनका रुपमा विकास गर्ने योजना रहेको उनले बताए । मष्टा धाममा कुल पूजासहित धार्मिक पर्यटकहरू आउने अपेक्षा गरिएको बताए । धाम निर्माणमा हालसम्म करिब तीन करोड खर्च भएको अध्यक्ष गणेश जीवी साउदले बताए ।
तीन करोड खर्च गरेको बताउदै उनले तामाले छाएको दुधु मष्टोको मन्दिर बनाएको बताए । एक दाडे मष्टको मन्दिर र शीलाहरू बनाएको बताउदै उनले एउटा सभा हल बनाउन लागेको बताए । छत लगाउन बाँकी रहेको बताउदै उनले धार्मिक पर्यटन गन्तव्यका रूपमा विकास गरिने मष्टा धामममा रुद्री पाठ सहित माघ २३ गते प्राण प्रतिष्ठान गरिने जानकारी गराए ।
