माघ १४ धनगढी । छाडा पशुचौपायाकोउचित ब्याबश्थापन हुन नसक्दा कैलालीका किसानले दुःख भोग्दै आएका छन । किसानका खेतबारी देखि व्यवसाय स्थल, सडकमा यत्रतत्र रहेका छाडा चौपायाका कारण किसानले दुःख भोग्दै आएका हुन । कैलालीको गोदावरी नगरपालिका वडा नम्बर–२ तेघरीकी सरस्वती जोशीले छाडा चौपायाका कारण बाली बचाउन नसकिएको बताउदै कृषि खेती गर्न छोड्नुपर्ने अवस्था आएको बताइन ।
‘खेती गरेर घाटा मात्रै हुने भए पछि किसानहरू निराश हुँदै खेतीबाट टाढिँदै गएको उनले बताईन । जसका कारण दीर्घकालीन रूपमा स्थानीय खाद्य उत्पादनमा नकारात्मक असर पर्ने उनले बताईन । छाडा चौपाया नियन्त्रणका लागि नगरपालिकाले गौशाला बनाउने, चौकीदार राख्ने प्रयास गरे पनि त्यो पर्याप्त नभएको उनले बताईन ।
स्थानीय बासिन्दा बलबहादुर ओलीले चौकीदार राखिएको भए पनि बाली जोगाउन किसानहरू स्वयंले रात बिरात जाग्राम बस्नुपर्ने बाध्यता रहेको बताए । चौकीदार हुँदा पनि गाईबस्तु धपाउन रात भरी खेत कुरेर बस्नुपरेको उनले बताए । रातभर जाग्राम बस्दा शारीरिक थकान, निद्राको कमी र मानसिक तनाव बढ्दै गएको उनले बताए । स्थानीयका अनुसार छाडा पशु चौपायाको समस्या नयाँ नभए पनि पछिल्लो समय झनै नियन्त्रण बाहिर गएको छ ।
त्यसैगरी अत्तरियाकी व्यवसायी रूपा देवी सापकोटालेले पनि छाडा चौपायाले पसलमा राखिएका फलफूल तरकारी र खाद्यान्नका सामानहरू खाएर नष्ट गरिदिने गरेको बताईन । छाडा चौपाया बस्ती भित्र पस्ने, घर आँगमा आउने र रातीको समयमा कराउने तथा जथाभाबी सडकमा बस्ने गरेको उनले बताइन ।
सडकमा हिँड्ने छाडा चौपायाका कारण दुर्घटनाको जोखिम समेत बढको उनले बताईन । स्थानीय बासिन्दाहरूले गोदावरी नगरपालिकामा पटक–पटक ध्यानाकर्षण गराए पनि हालसम्म दीर्घकालीन र व्यवहारिक समाधान नभएको बताएका छन् । व्यवस्थित गौशाला निर्माण, पशु खुला छाड्ने व्यक्तिलाई जिम्मेवार बनाउने नीति तथा निरन्तर अनुगमन र नियन्त्रण अभियान आवश्यक रहेको स्थानीयले बताएका छन ।
