माघ १२ दार्चुला । दार्चुलाको ब्यास गाउँपालिका वडा नम्बर–१ का छाङरु र तिंकर गाउँका मतदातालाई सदरमुकाममै मतदान गर्ने ब्याबश्था मीलाइएको छ ।
आगामी फागुन २१ गते हुने प्रतिनिधिसभा सदस्य निर्वाचनका लागि ब्यास गाउँपालिका वडा नम्बर–१ का छाङरु र तिंकर गाउँका मतदातालाई सदरमुकाममै मतदान गर्ने ब्याबश्था मीलाइएको हो ।
जिल्ला निर्वाचन कार्यालयले दार्चुलामा दुई वटा अस्थायी मतदान केन्द्र कायम गरिएको जानकारी गराउदै ब्यास गाउँपालिका वडा नम्बर–१ का छाङरु र तिंकर गाउँका मतदातालाई सदरमुकाम खलंगामा अस्थायी मतदान केन्द्र तोकिएको जानकारी गराएको हो ।
मुख्य निर्वाचन अधिकृत भुवन गिरीले भौगोलिक विकटता र मौसमी अवस्थाका कारण छाङरु तथा तिंकरका मतदाता हाल खलंगामै बसोबास गरिरहेकाले खलङगामै मतदान गर्ने ब्याबश्था मीलाईएको जानकारी गराएका हुन ।
छाङरुका मतदाताका लागि कैलाशपति आधारभूत विद्यालय र तिंकरका मतदाताका लागि मोती महिला सङ्घ आधारभूत विद्यालयमा अस्थायी मतदान केन्द्र तोकिएको उनले जानकारी ग राए । निर्वाचन कार्यालयले सार्वजनिक गरेको विवरण अनुसार कैलाशपति आधारभूत विद्यालयमा ३ सय ७५ र मोती महिला सङ्घ आधारभूत विद्यालयमा २ सय ४४ मतदाता सूचीकृत भएका छन् ।
विसं २०७९ को निर्वाचनमा छाङरुमा ३ सय ८३ र तिंकरमा २ सय ३४ जना मतदाता रहेका थिए । यसअघि स्थानीय तह निर्वाचन पनि ती क्षेत्रमै सम्पन्न गरिएको मुख्य निर्वाचन अधिकृत गिरीले जानकारी गराए । यसपटक गत मङ्सिरमै स्थानीय बासिन्दा सदरमुकाम झरेपछि माघ ५ गते मतदान केन्द्र खलंगामै राख्न माग गरिएको उनले बताए ।
मागलाई मध्यनजर गर्दै अस्थायी मतदान केन्द्र कायम गरिएको मुख्य निर्वाचन अधिकृत गिरीले जानकारी गराए । सदरमुकाममै मतदान केन्द्र तोकिँदा मतदाताको सहभागिता बढ्ने अपेक्षा गरिएको उनले बताए । जिल्लाभरी प्रतिनिधिसभा निर्वाचनका लागि एक सय १२ वटा मतदानस्थल र एक सय ४३ मतदान केन्द्र तोकिएको उनले बताए ।
प्रमुख जिल्ला अधिकारी अनिल पौडेलका अनुसार तीमध्ये १५ वटा मतदानस्थल अतिसंवेदनशील, ३२ वटा संवेदनशील र ६५ वटा सामान्य अवस्थामा राखेर सुरक्षा योजना बनाइएको छ । मतदाता सङ्ख्याको विवरण अनुसार यसपटक दार्चुलामा कुल ९२ हजार ९ सय ४८ मतदाता रहेका छन् ।
तीमध्ये ४७ हजार ७ सय ५५ पुरुष र ४५ हजार एक सय ९३ महिला मतदाता रहेका छन् । निर्वाचनलाई व्यवस्थित, निष्पक्ष र शान्तिपूर्ण रूपमा सम्पन्न गर्न सबै तयारी तीव्र पारिएको प्रमुख जिल्ला अधिकारी पौडेलले बताएका छन ।
