माघ १० धनगढी । कैलालीको अत्तरियामा सञ्चालीत सृजनशिल गोदावरी सांस्कृतिक महोत्सव २०८२ को आयव्यय विवरण सार्वजनिक गरिएको छ ।
अत्तरियामा रहेको न्यु सृजनशिल युवा क्लबको आयोजनामा यही पौष ९ गतेदेखि पौष २१ गतेसम्म सञ्चालीत महोत्सवको आयव्यय विवरण सार्वजनिक गरिएको हो ।
शनिवार क्लबले पत्रकार सम्मेलनको आयोजना गर्दै महोत्सवबाट करिब ५ लाखको हाराहारीमा नाफा कमाएको जनाएको छ ।
महोत्सवबाट भएको आम्दानी र महोत्सव संचालनमा भएको खर्च मिलान गर्दा क्लबले ५ लाख २३ हजार ३ सय १९ रुपैया खुद नाफा आर्जन गरेको क्लबका अध्यक्ष नर बहादुर राई ले जानकारी गराएका हुन ।
उनले महोत्सवमा टिकट बिक्री, स्टल, रमाइलो मेला तथा प्रायोजकहरुबाट गरी जम्मा १ करोड ४ लाख ६९ हजार ६ सय ५० रुपैया आम्दानी भएकोमा विभिन्न शिर्षकमा ९५ लाख ९० हजार २ सय ७६ रुपैया खर्च भएको जानकारी गराए ।
त्यसबाट क्लबले टिकटको ५ प्रतिशत रकम सामाजिक कार्यका लागि दिने भएकाले खुद आम्दानीमा केहि कमि आएको उनले बताए ।
