माघ १० बाजुरा । बाजुराको बुढीनन्दा नगरपालिका वडा नम्बर–३ सिराडीकी देबु बोहराले तरकारी खेती बाट मनग्य आम्दानी गर्दे आएकी छिन । केही समय पहिला रोजगारीका लागि भारत जाने गरेकी बोहराले अहिले गाउँमै जमिन भाडामा लिएर तरकारी खेती गर्न थाले पछि मनग्य आम्दानी गर्दे आएकी ह्ुन ।
बन्दा गोभी र टमाटर उत्पादन गर्दै आएकी उनले अहिले घरमै बसेर आम्दानी गर्दै आएकी छिन । गत मङ्सिरमा बारीमा बन्दा गोभी राम्रै फलेको बताउदै उनले आम्दानी पनि राम्रै भएको बताईन । बन्दा गोभी बिक्री गरेर वार्षिक दुइ देखि चार लाख रुपैयाँ सम्म कमाई हुने गरेको बोहराले जानकारी गराईन ।
२०७६ सालमा बुढीनन्दा नगरपालिका वडा नम्बर–२ दानसाँगु खोला नजिकै जमिन भाडामा लिएर बन्दा काउली टमाटर उत्पादन गरेर बिक्री गर्न थालेपछि अहिले राम्रै कमाई हुने गरेको उनले बताईन । गाउँमा केही विकल्प नहुँदा विगत लामो समय देखि श्रीमान सँगै भारतका विभिन्न ठाउँमा पुगेर काम गर्नु परेको बताउदै उनले भारतमा कमाई गरेको पैसाले छोरा छोरीलाई पढाउन खर्च हुने गरेको उनले बताईन ।
श्रीमान श्रीमति भारतमा लामो समय देखि काम गर्दै आएपनि त्यो पैसाले परिवारलाई पाल्न समेत मुस्किल हुने गरेको उनले सुनाईन । २०७६ साल देखि भारत छोडेर गाउँमै तरकारी खेती सुरु गरेको बताउदै उनले तरकारी खेतीले परिवार पाल्न सहज भएको बताईन ।
पहिला गाउँ नजिक बिरसैन र पछि कोल्टी नजिक दानसाँगु खोला नजिकै जमिन भाडामा लिएर त्यसमा बन्दा काउली र टमाटर खेती सुरु गरेको बताउदै उनले अहिले राम्रो कमाई हुन थालेको बताईन । विगतका दिनमा भारतका विभिन्न स्थानमा काम गर्दै आएकी बोहराले अहिले आफ्नै गाउँमा तरकारी खेती गर्दा निकै खुसी मीलेको बताईन ।
भारतमा काम गर्दा छोरा छोरी गाउँमा छाड्नु परेको बताउदै उनले अहिले गाउँमा तरकरी खेती गर्दा छोरा छोरीलाई सहरमा पढ्न पढाएको बताईन । छोरा छोरीलाई उच्च शिक्षा पढाउँन निकै सहज भएको बोहराले बताईन । राम्रोसँग मेहनेत गरे कामको राम्रो दाम पाईदो रहेछ भन्ने कुरा प्रमाणीत भएको उनले बताईन ।
गाउँमै केही गरेर खानु पर्छ भन्ने सोचका साथ जमिन भाडामा लिएर तरकारी खेती सुरु गरेपछि दुइ जनालाई रोजगारी समेत दिएको उनले बताईन । वर्षेनी ऋण निकालेर घर खर्च धान्नु परेको अबश्थामा तरकारी खेती गरेपछि वार्षिक दुइ देखि चार लाख बचत हुने गरेको उनले बताईन ।
स्थानीय , प्रदेश र सङ्घीय सरकारले कृषक महिलाका लागि अनुदानको व्यवस्था मिलाई दिने हो भने गाउँमा रहेका बेरोजगार महिलालाई रोजगारी दिन सकिने बोहराले बताईन ।
