पौष २९ धनगढी । मानवसेवा आश्रम शाखा कार्यालय कैलालीले आर्थिक वर्ष २०८१÷०८२ को आय–व्यय विवरण तथा प्रगति प्रतिवेदन सार्वजनिक गरेको छ । मंगलबार मानवसेवा आश्रम शाखा कार्यालय कैलालीले सामाजिक लेखा परीक्षण कार्यक्रम मार्फत आर्थिक वर्ष २०८१÷०८२ को आय–व्यय विवरण तथा प्रगति प्रतिवेदन सार्वजनिक गरेको हो ।
कार्यक्रममा मानवसेवा आश्रम कैलाली जिल्ला संयोजक लोकेन्द्र शाहले विवरण प्रस्तुत गर्दै आर्थिक वर्ष २०८१÷०८२ मा आश्रमले ८२ लाख १० हजार ५ सय ९९ रुपैयाँ पुँजीगत आम्दानी गरेको र ५२ लाख ४० हजार ९ सय रुपैयाँ पुँजीगत खर्च भएको जानकारी गराएका हुन ।
सामाजिक उत्तरदायित्व र पारदर्शितालाई प्राथमिकतामा राख्दै आश्रमले नियमित रूपमा सामाजिक लेखा परीक्षण गर्दै आएको संयोजक शाहले बताए । मानवताको सेवामा समर्पित संस्थाले असहाय, बेसहारा तथा सडक मानवको संरक्षण र पुनःस्थापनामा उल्लेखनीय भूमिका खेल्दै आएको उनले बताए ।
कार्यक्रममा जिल्ला समन्वय समिति प्रमुख टिका कुमारी चौधरी, धनगढी उपमहानगरपालिकाका उपप्रमुख कन्दकला राना, वडा नम्बर ५ का अध्यक्ष गजेन्द्र शाही लगायत मानवसेवा आश्रमका अभिभावक तथा सरोकारवालाहरूको उपस्थिति रहेको थियो । उपस्थित वक्ताहरूले मानवसेवा आश्रमले समाजमा पु¥याउँदै आएको योगदानको प्रशंसा गर्दै आगामी दिनमा समेत सहकार्य र सहयोग निरन्तर रहने प्रतिबद्धता व्यक्त गरेका थिए ।
