मंसिर १६ धनगढी । कैलालीको गोदावरीमा १६ औँ राष्ट्रपति रनिङ्ग शिल्ड प्रतियोगिता सुरु भएको छ । मंगलबार गोदावरी नगरपालिका वडा नम्बर–२ स्थित दुर्गालक्ष्मी नमूना माध्यमिक विद्यालयमा १६ औँ राष्ट्रपति रनिङ्ग शिल्ड प्रतियोगिता सुरु भएको हो ।
मंसिर १९ गतेसम्म सञ्चालन हुने प्रतियोगितामा विद्यार्थीहरूको क्षमता र प्रतिभा उजागर गर्ने उद्देश्यसहित भलिबल, कबड्डी, एथलेटिक्स, दौड, हाइ जम्प, लङ जम्प, ट्रिपल जम्प, ज्याभलिन थ्रोजस्ता ट्रयाक–फिल्ड प्रतिस्पर्धासँगै कराँते, तेक्वान्दो र उसु जस्ता मार्सल आर्टका खेल पनि समावेश भएको आयोजकले जनाएको छ ।
प्रतियोगिताले स्थानीय विद्यालयबीच स्वस्थ प्रतिस्पर्धा, खेलकुदप्रति रुचि र प्रतिभाशाली खेलाडी पहिचान गर्न महत्त्वपूर्ण भूमिका खेल्ने विश्वास गरिएको आयोजकले जानकारी गराएको छ । २२ वटा सामुदायिक र २१ वटा संस्थागत गरी जम्मा ४३ वटा विद्यालय सहभागी रहेको यस रनिङ्ग शिल्डले प्रदेशस्तरीय खेलाडी उत्पादनमा समेत योगदान पु¥याउने अपेक्षा गरिएको छ ।
उद्घाटन कार्यक्रममा प्रमुख अतिथिका रुपमा रहेका गोदावरी नगरपालिकाका नगर प्रमुख बिरेन्द्र भट्टले प्रतियोगिताको शुभारम्भ गर्दै विद्यार्थीहरूलाई अनुशासित भएर खेल्न र सौहार्दपूर्ण वातावरण कायम राख्न आग्रह गरेका थिए । प्रतियोगिताका दौरान आवश्यक सहयोगका लागि नगरपालिका सधैं तत्पर रहेको उनले बताएका थिए ।
मंसिर १९ गतेसम्म सञ्चालन हुने १६ औँ राष्ट्रपति रनिङ्ग शिल्डमा भलिबल, कबड्डी, एथलेटिक्स र मार्शल आर्टसहित विभिन्न खेलहरू समावेश छन् । प्रतियोगिताले स्थानीय विद्यालयबीच स्वस्थ प्रतिस्पर्धा र खेलकुदप्रति रुचि विकास गर्न, साथै प्रतिभाशाली खेलाडी पहिचान गर्न महत्त्वपूर्ण योगदान पु¥याउने अपेक्षा गरिएको छ ।
