असोज २६ धनगढी । कैलाली उद्योग वाणिज्य संघको अध्यक्षमा पुष्कर ओझा निर्वाचित भएका छन् । कुल खसेको १ हजार ९ सय ४० मत मध्ये ९ सय ५० मत पाएर ओझा बिजयी भएका हुन् ।
६१ मतको अन्तरले निकटतम प्रतिद्धन्द्धी रुपेश स्वाँरलाई पराजित गर्दै ओझा अध्यक्षमा निर्वाचित भएका हुन् । शुरुदेखि नै झिनो मतले पछि परेका स्वाँरले ८ सय ८९ मत पाएर पराजीत भए । ओझा र स्वाँरबीचको प्रतिस्पर्धा अत्यन्त रोचक रहेको थियो ।
ओझा र स्वाँर दुबै जनाको प्यानल चुनावी मैदानमा होमिएको थियो । निवर्तमान कार्यसमितिमा बरिष्ठ उपाध्यक्ष रहेका ओझाको नेतृत्वमा चुनावी मैदानमा होमिएको प्यानलका अधिकांश उम्मेदवार बिजयी भएका छन् । बरिष्ठ उपाध्यक्षमा स्वाँर प्यानलका उम्मेदवार केशव राज जोशी बिजयी भएका छन् ।
जोशीले ९ सय ५७ मत प्राप्त गरेर विजयी भएका हुन । जोशी स्वाँर प्यानलका उम्मेदवार हुन । उनका निकटतम प्रतिद्धन्द्धी ओम बहादुर बिष्टले ५ सय ५५ मत पाए । अर्का उम्मेदवार सुरेन्द्र राठीले २ सय ७२ मत प्राप्त गरेका छन् ।
त्यस्तै उद्योग तर्फको उपाध्यक्षमा लक्ष्मणराज पन्त बिजयी भएका छन । पन्त ९ सय ७६ मत सहित बिजयी भएका हुन् । उनका निकटतम प्रतिद्धन्द्धी बासुदेव भट्टले ७ सय ३५ मत प्राप्त गरेका थिए । त्यसैगरी एशोसियट उपाध्यक्षमा मनोज अग्रवाल बिजयी भएका छन ।
अग्रवाल ६ सय २ मत सहित बिजयी भएका हुन् । अर्का उम्मेदवार कविन्द्र पन्तले ५ सय ७२ मत र अनिल कुमार भोजानियाले ५ सय १५ मत पाएका थिए । त्यसैगरी वाणिज्य तर्फको उपाध्यक्षमा गगनराज केसी १ हजार १ मत प्राप्त गरेर बिजयी भएका छन ।
उनकी निकटतम प्रतिद्धन्द्धी राधिका कुमारी चौधरीले ७ सय ९ मत ल्याएकी थिईन् । वस्तुगत तर्फको उपाध्यक्षमा भीम राज ओझा अब्बु ९ सय ८ मत ल्याएर बिजयी भएका छन । सोही पदका अर्का उम्मेदवार सिद्धराज पनेरुले ८ सय २८ मत ल्याएका थिए ।
उपाध्यक्षमा निर्वाचित जोशी र पन्त सहित दुई जना स्वाँर प्यानलका उम्मेदवार विजयी भएका छन भने अग्रवाल र केसी र ओझा सहित तीन जना ओझा प्यानलका उम्मेदवार हुन् ।
त्यसैगरी महासचिवमा दिनेश लम्साल ९ सय १२ मत ल्याएर बिजयी
भएका छन । उनी ओझा प्यानलबाट निर्बाचित भएका हुन् । उनका निकटतम प्रतिद्धन्दी सुरेश राज पाण्डेयले ८ सय ३४ मत ल्याएका थिए ।
त्यसैगरी कोषाध्यक्षमा तिलक सिंह बोहरा सर्बाधीक १ हजार १ सय ९ मत ल्याएर बिजयी भएका छन । उनका निकटतम प्रतिद्धन्द्धी सुरेन्द्र बहादुर कडायतले ६ सय २ मत पाएका थिए ।
त्यसैगरी सचिव पदमा स्वाँर प्यानलका उम्मेदवार प्रकाश बहादुर चन्द ९ सय २६ मत सहित बिजय भएका छन । ओझा प्यानलकी कृष्णा कुमारी बिष्टले ५ सय १४ र स्वतन्त्र उम्मेदवार कोपिला कुँवर चौलागाईले ३ सय ३३ मत ल्याएका थिए ।
२ हजार ३ सय ५५ जना मतदाता मध्ये निर्वाचनमा १ हजार ९ सय ४० मत खसेको थियो । त्यसैगरी सदस्यमा शुभ ठाकुरले सर्बाधिक १ हजार ६६ मत ल्याएका छन् । सदस्यमा ठाकुर सहित २९ जना बिजयी भएका छन ।
