असोज २२ धनगढी । कैलालीको गोदावरी नगरपालिका वडा नम्बर–४ मा जेवाइसी कप लोटस आई प्रिमियर लिग क्रिकेट प्रतियोगिता सुरु भएको छ । वडामा रहेको ज्वाला देवी युवा क्लब (जेवाइसी) को आयोजनामा बुधबारबाट प्रतियोगिता सुरु भएको हो ।
वडाध्यक्ष हेम प्रकाश मल्लले प्रतियोगिताको उद्घाटन गर्दै सफलताको शुभकामना दिए । उनले खेलकुदका गतिविधिले युवाहरुलाई लागू औषध कुलतमा लाग्नबाट जोगाउने बताए ।
‘खेल भनेको अनुसान हुने नैतिकवान हुने माध्यम भएको बताउदै उनले अहिले साना नानिबाबु पनि कुलतमा फसिरहेको अवस्थामा यस्ता खेलकुदका गतिविधिले धेरै हदसम्म यसको न्यूनिकरण गर्ने बताए ।
प्रतियोगितामा गोदावरी नगरक्षेत्रका ८ वटा टिमहरुको सहभागिता रहेको छ । यही असोज २८ गतेसम्म सञ्चालन हुने प्रतियोगिताको प्रथम पुरस्कार नगद ४० हजार सहित ट्रफी, मेडल र प्रमाणपत्र तथा द्धितिय पुरस्कार नगद २० हजार सहित ट्रफी, मेडल र प्रमाणपत्र रहेको छ ।
लिग कम नकआउट चरणमा खेलाईने प्रतियोगितालाई विभिन्न क्षेत्रबाट स्पोन्सरका रुपमा सहयोग प्राप्त भएको क्लबका अध्यक्ष महेश भट्टले जानकारी गराए ।
प्रतियोगितालाई टाइटल स्पोन्सर गरी अत्तरियाको लोटस आई माविले सहयोग गरेको बताउदै उनले धनगढीको निसर्ग हस्पिटल एण्ड रिसर्च सेन्टरले जर्सी सहयोग गरेको जानकारी गराए ।
त्यसैगरी बास्कोटा सामुदायिक बन उपभोक्ता समुह र सिवाइसी एकेडेमीले प्रतियोगितालाई प्राविधिक सहयोग गरेको उनले बताए ।
त्यसैगरी बास्कोटा खानेपानी तथा सरसफाई उपभोक्ता समिति, एएलसी मोबाइल ग्यालरी, स्टार मोबाइल ग्यालरी, सर्वाेत्तम पेन्ट्स अत्तरिया, भुवनेश्वरी हार्डवेयर एण्ड सप्लायर्स तथा भुवनेश्वरी ग्रप, जिएसएम कम्प्लेक्स र अत्तरिया हस्पिटलले प्रतियोगितालाई सहयोग गरेको उनले जानकारी गराए ।
त्यतिमात्रै नभई एपेक्स एकेडेमी, कर्मा अबरोड एजुकेशन कन्सलटेन्सी, जिआर फोटोग्राफी, हाम्रो पुरानो शैलेश्वरी सुनचाँदी पसल, कृषक एग्रीकल्चर्स एण्ड मिल स्टोर्सले पनि सहयोग गरेको अध्यक्ष भट्टले बताए ।
प्रतियोगितालाई टेक बहादुर खड्का, चेतराज जोशी र मनोहर बहादुर कुँवरले व्यक्तिगत सहयोग समेत गरेको उनले जानकारी गराए ।
