असोज २१ काठमाण्डौ । मलेसियासँगको चौथो खेलमा नेपाली महिला क्रिकेट टोलीले जित हासिल गरेको छ । मंगलबार विहान सम्पन्न खेलमा नेपालले मलेसियालाई ६ विकेटले हराएको हो ।
नेपाललाई जिताउन कप्तान इन्दु बर्मा र पूर्वकप्तान रुबिना क्षेत्रीले अर्धसतकिय साझेदारी गरेका थिए । मलेसियाले दिएको ११२ रनको लक्ष्य नेपालले १५ बल बाँकी छँदा ४ विकेटको क्षतिमा पूरा ग¥यो ।
कप्तान इन्दु ३९ बलमा ४८ रनमा अविजित रहिन् भने रुबिनाले २३ बलमा २३ रन बनाइन् । नेपालको ५४ रनमा ४ विकेट गुमेपछि इन्दु र रुबिनाले अविजित ६१ रनको साझेदारी गरेका हुन । मलेसियाकी नुर दानिया स्युहादा, आइना हमिजा र माहिरा इजातीले १–१ विकेट लिए ।
त्यसअघि टस जितेर पहिले ब्याटिङ गरेको मलेसियाले २० ओभरमा ५ विकेट गुमाएर १११ रन बनाएको थियो । जसमा मास एलिसाले अविजित ५६ रन बनाइन् । माहिराले १८ तथा नुर दानियाले १५ रन बनाइन् ।
बलिङमा नेपालकी कविता कुँवरले ४ ओभरमा १० रन मात्र दिएर ३ विकेट लिइन् । पूजा महतो र कविता जोशीले १–१ विकेट लिए । यो जित सँगै मलेसियासँगको ५ खेलको टी–२० आई श्रृंखलामा नेपालले २–२ को बराबरी गरेको छ ।
यसअघि भएका खेलहरुमा पहिलो खेलमा नेपालले हार बेहोरेको थियो भने दोस्रो खेलमा जित हासिल गरेको थियो । तर तेस्रो खेलमा हार बेहोरेपछि नेपाल श्रृंखलामा २– ले पछि रहेको थियो । मंगलबारको खेल जितेसँगै अब श्रृंखलाको अन्तिम नतिजा आज हुने खेलले तय गर्नेछ ।
