असोज ०९ धनगढी । कैलाली उद्योग वाणिज्य संघको ५१ औं चुनावी साधारणसभा असोज २५ गते हुने भएको छ ।
जेनेजी आन्दोलनका कारण स्थगित भएको साधारण सभा तथा अधिवेशनबारे सर्वपक्षीय बैठक बसेर निर्ण गरेपछि ५१ औं चुनावी साधारण सभा असोज २५ गते हुने भएकोे हो ।
अध्यक्ष पुष्पराज कुवरले भिडियो सन्देश मार्फत सबै उद्योगी व्यवसायीलाई अधिवेशनमा सहभागी हुन आग्रह गरेका छन् ।
यसअघि भदौ २८ गते गर्ने भनिएको अधिवेशन, आन्दोलनका कारण कफ्र्यु लागेपछि स्थगित भएको थियो ।
दशैं–तिहारको बीचमा उपयुक्त मिति निर्धारण गर्ने सहमति अनुसार असोज २५ गते अधिवेशन गर्ने निर्णय गरिुउको उनले बताए ।
२२ सदस्यीय कार्यसमितिका लागि उम्मेदवारी दर्ता भइसकेको छ । अध्यक्ष पदमा वरिष्ठ उपाध्यक्ष पुष्करराज ओझा र पूर्व महासचिव रुपेश स्वाँरले प्यानल सहित उम्मेदवारी दिएका छन् ।
साथै, पदाधिकारी तथा सदस्य पदका लागि ६ जना व्यवसायीले स्वतन्त्र उम्मेदवारी दर्ता गराएका छन् । संघका २ हजार २ सय ७४ जना सदस्य रहेका छन ।
