जेठ २४ धनगढी । सुदूरपश्चिम प्रदेशमा थप चार जनामा कोरोना सङ्क्रमणको पुष्टि भएको छ । शनिबार कैलालीको गौरीफन्टा नाका र बैतडीको झुलाघाट नाका हुँदै भारतबाट नेपाल भित्रिएका चार जनामा कोभिड सङ्क्रमणको पुष्टि भएको हो ।
प्रादेशिक स्वास्थ्य आपतकालीन कार्य सञ्चालन केन्द्रका अनुसार गौरीफन्टामा ३ जना र झुलाघाट सीमानाकामा १ जनामा कोभिड संक्रमणको पुष्टि भएको हो । झुलाघाट सीमानाका १ जना र गौरीफन्टा सीमा नाकामा २७ जनाको एन्टिजेन परीक्षण गरिएको जनाइएको छ ।
सुदूरपश्चिममा कोभिड संकमण हुनेको संख्या १३ पुगेको छ । शुक्रबार गौरीफन्टा हुँदै नेपाल फर्किएका पाँच जना,बिहीबार एक जना र बुधबार तीन जनामा कोभिड सङ्क्रमणको पुष्टि भएको थियो ।
