चैत्र ०५ धनगढी । धनगढीको सिप तथा रोजगार मेलाबाट तालिम लिएकाहरूलाई नवजीवन सहकारीले बिना धितो ऋण दिने भएको छ । धनगढी उपमहानगरपालिकाले आयोजना गरेको सिप मेलाबाट तालिम लिएकाहरूलाई नवजीवन सहकारी संस्थाले बिना धितो ऋण दिने भएको हो ।
नवजीवन सहकारी संस्थाका अध्यक्ष देबबहादुर बम सहितको टोलीले तालिम लिदै गरेकाहरूसँग व्यवसाय गर्न नवजीवनले ऋण सहयोग गर्ने बताएको हो । नवजीवन सहकारी संस्थाले समूहमा ऋण लिनेहरूका लागि धितो आवश्यक नपर्ने बताएको छ भने व्यक्तिगत रुपमा ऋण लिनेहरूका लागि भने धितो आवश्यक पर्ने बताएको छ ।
नवजीवन सहकारी संस्था लिमिटेड, धनगढीका अध्यक्ष देबबहादुर बमले सिप तथा रोजगार मेलामा तालिम लिदै गरेकाहरूसँग बिना धितो ऋण दिन सकिने बताएका हुन् । धनगढी उपमहानगरपालिका क्षेत्रका प्रशिक्षार्थिहरूको समूह बनाउने र कर्मचारीलाई मेलामा पठाएर ऋणको प्रक्रिया सुरु गर्ने उनले बताएका छन् । तपाइहरूलाई ऋण चाहिने हो । अहिले सिप सिकीरहनु भएको छ ।
स्वरोजगार कसरी बन्ने ? व्यवसायमा कसरी जाने ? ६ प्रति फोटो ल्याउनुस् । नागरिकताको प्रतिलिपि ल्याउनुस् । एक हजार तीन सय ल्याउनुस् । कर्मचारी हामी पठाउछौ । यही फारम भरिदिन ुहुन्छ । भएपछि पाँच हजार तीन सय ल्याउनुस् । छैन भने, महिनाको एक–एक हजार तिर्न सकिन्छ ।
महिला उद्यमीको लाछि छुट्टै सेवा छ । उहाँहरूले काम गर्नुहुन्छ । पाँच लाख ऋणका लागि सेयर लिनुपदैन उनले भने । धनगढीको नवजीवन सहकारीमा ३८ दशमलव ९ प्रतिशत महिलाहरु रहेको बताउदै उनले महिलाहरूले समूहगत रूपमा ५० हजार देखि माथि ऋण सेवा लिन सक्ने उनले जानकारी गराए ।
नवजीवन सहकारी संस्था २०४८ सालको माघमा १४ जनाले बचत कोषको रूपमा स्थापना गरेको बताउदै उनले एक लाख ३० हजार पुँजीबाट नवजीवन २०५० साल वैशाख १५ गते सहकारी ऐन, २०४८ अनुसार दर्ता भएको बताए ।
२०५० साल मङ्सिर ३० गतेबाट कारोबार सुरु गरेको नवजीवन सहकारीका ३३ हजार बढी शेयर सदस्यहरू रहेको बताउदै उनले सुदूरपश्चिम र लुम्बिनी प्रदेशमा गरी १० वटा शाखा तथा सेवाकेन्द्रहरू रहेको बताए ।
सहकारीले चार सय ३७ करोड निक्षेप सङ्कलन गरेको बताउदै उनले चार सय चार करोड बढी कर्जा लगानी गरेको बताए । नवजीवन सहकारी संस्थाका अध्यक्ष बमले किसानहरूबाट धान खरिद गरी चामल उत्पादन गरेर बिक्री गर्ने काम पनि सुरु गरेको जानकारी गराए ।
