फागुन ०४ सिराहा । सामुहिक बलात्कार भएको तीन दिन पछि सिरहा भगवतीपुरकी एक जना दलित युवती घरभित्र मृत भेटिएकी छिन् । माघ २७ गते स्थानीय तीन जना युवाले सामूहिक बलात्कृत गरेको तीन दिन पछि सिरहा नवराजपुर गाउँपालिका भगवतीपुर वडा नम्बर– १ की १६ वर्षीय रिकु सदा घरभित्र मृत भेटिएकी हुन ।
आफुलाई तीन जना युवाले सामुहिक बलात्कार गरेको घटना मिलाउन गाउँमै पञ्चायत बसेको भोलीपल्ट माघ ३० गते रिकु सदा घरभित्र झण्डिएको अवस्था मृत भेटिएकी हुन । घरको ढोकामा बाहिरबाट चुकुल लगाइएको र भित्र छोरीलाई सुनियोजित रुपमा झुण्डाएको रिकुका बाबु विजुलीय सदाले बताए ।
१६ वर्षीय रिकु सदा बलात्कृत भएको दुई दिनपछि माघ २९ गते गाउँमै घटना मिलाउन पञ्चायत बसेको बताइएको छ । उक्त घटना मिलाउन पञ्चायतले तीन जना युवाहरुलाई १ लाख ५० हजार जरिवाना तोकेको बताइएको छ । तीन जना युवाहरुलाई जरिवाना तोकिएको पैसाको बाँडफाँडको विषयमा पञ्चहरुबीच झगडा भएको रझगडा बढ्दै गए पछि पञ्चायत त्यत्तिकै उठेको बताइृन्छ ।
पञ्चायत राखेर जरिवाना विवाद र झगडा गरेर उनीहरुले छोरी र आफुहरुलाई थप पीडा दिएको विजुलीय सदाले बताए । भगवतीपुर वडा नम्बर १ का वडा अध्यक्ष नविन कुमार यादवले घटनाको बारेमा प्रहरीबाट जानकारी पाएको बताए ।
तीन जना युवाहरुले घटना हुनु भन्दा अघि सामुहिक बलात्कार गरेको विषयमा गाउँमै जानकारी पाए पनि आफुलाई पञ्चायतमा नबोलाएको यादवले बताए । ‘वडामा जानकारी नगरी घटना मिलाउन खोजेको जस्तो देखिएको बताउदै उनले आफुलाई घटनाको कुनै जानकारी नभएको बताए ।
