माघ ०१ डडेल्धुरा । डडेल्धुरामा श्रीमतीलाई गोली हानेर फरार भएका श्रीमानलाई प्रहरीले जङ्गलबाट पक्राउ गरेको छ ।
सोमबार बेलुका २४ वर्षीय श्रीमती अस्मिता थापा मगरलाई गोली हानेर फरार भएका डडेल्धुराको अमरगढी नगरपालिका वडा नम्बर– ३ मल्लो पथरोडाका ३२ वर्षीय डम्बर थापा मगरलाई प्रहरीले जङ्गलबाट पक्राउ गरेको हो ।
मादक पदार्थ सेवन गरेका डम्बरले घरायसी विवाद हुँदा अस्मितालाई गोली हानेको जिल्ला प्रहरी कार्यालय डडेल्धुराले जानकारी गराएको छ ।
गोली लागेर श्रीमतीको मृत्यु भए पछि फरार भएका डम्बरलाई प्रहरीले जंगलबाट भरुवा बन्दुक सहित पक्राउ गरेको उनले बताए । अस्मिताको छातीमा गोली लागेर घटनास्थलमै मृत्यु भएको प्रहरीले जानकारी गराएको छ ।
