भदौ १२ दार्चुला । दार्चुलाको बजार गोकुलेश्वरबाट प्रहरीले खैरो हेरोइन सहित तीन जनालाई पक्राउ गरेको छ ।
प्रहरीले दार्चुलाको शैल्यशिखर नगरपालिका वडा नम्बर ९ गोकुलेश्वरबाट बिरेन्द्र चन्द, जगदिश कोली र सुरज महरलाई खैरो हेरोइन सहित पक्राउ गरेको हो ।
जिल्ला प्रहरी कार्यालयका सूचना अधिकारी ज्ञानेन्द्र बहादुर सिंहले मोटरसाइकलमा सवार उनीहरुलाई ९ सय ८० मिलिग्राम खैरो हेरोइन सहित पक्राउ गरेको जानकारी गराए । उनले यस विषयमा थप अनुसन्धान भइरहेको जानकारी गराएका छन ।
