जेठ १४ धनगढी । मुख्यमन्त्री दीर्घबहादुर सोडारीले संघिय सरकारको बजेट प्रस्तुत भए पछि प्रदेश सरकारले पूर्णता पाउने जिकीर गरेका छन । मुख्यमन्त्री भएको एक महिना बिते पनि सरकारले पूर्णता पाउन नसकेको अबश्थामा मुख्य मन्त्री सोडारीले संघिय सरकारको बजेट प्रस्तुत भए पछि प्रदेश सरकारले पूर्णता पाउने जिकीर गरेका हुन ।
सोडारीले सरकारले पूर्णता पाउने विषयमा नेकपा (एमाले) र नेकपा (माओवादी) का शीर्ष नेतासँग छलफल गर्ने समय नमिलेकाले केही ढिलाइ भएको बताउदै संघीय बजेट भाषण पछि सुदूरपश्चिम प्रदेश सरकारले पनि पूर्णता पाउँने बताए । समर्थन गर्ने दलबाट मन्त्रीको नाम आउने बित्तिकै प्रदेश सरकारले पूर्णता पाउने उनले बताए ।
सुदूरपश्चिम प्रदेशमा एमाले, माओवादी केन्द्र, नागरिक उन्मुक्ति पार्टीले दुई÷दुई र स्वतन्त्र प्रदेश सभा सदस्य डाः ताराप्रसाद जोशीले एक मन्त्रालय लिने चर्चा भईरहेको छ । चर्चा अनुसार मन्त्रीपरिषद् गठनका लागी आठ वटा मन्त्रालय आवश्यक पर्ने देखिन्छ ।
अहिले मुख्यमन्त्री सहित सात वटा मन्त्रालय मात्र कायम रहेका छन । वर्तमान सरकार मुख्यमन्त्री सहित तीन सदस्यीय मात्र रहेको छ । सरकारमा नेकपा (एकीकृत समाजवादी) संसदीय दलका नेता मुख्यमन्त्री सोडारी र नागरिक उन्मुक्तिका दुई जना मन्त्री रहेका छन् ।
