जेठ १४ धनगढी । कैलालीको चुरे गाउँपालिकामा रहेको खैराला स्वास्थ्य चौकी भवनको उद्घाटन गरिएको छ । सोमबार गाउँपालिका अध्यक्ष चक्र बहादुर बोगटीले उक्त स्वास्थ्य चौकीको भवनको उद्घाटन गरेका हुन । भवन उद्घाटन गर्दै पालिका अध्यक्ष बोगटीले विकट क्षेत्रका रुपमा रहेको चुरेबासीहरुलाई सहज रुपमा स्वास्थ्य सेवा प्रदान गर्न भवनले सहयोग पुग्ने बताए ।
उनले चुरेमै पहिलो पटक सुविधा सम्पन्न स्वास्थ्य चौकीको भवन निर्माण भएको बताए । चुरेमा सम्पुर्ण उपकरण र पूर्वाधार सम्पन्न यो पहिलो भवन भएको बताउदै उनले स्वास्थ्य सेवामा यसले धेरै टेवा पु¥याउने बताए । बोगटीले स्वास्थ चौकी भवन निर्माण सहयोग गरेकोमा दातृ निकायलाई धन्यवाद दिए ।
उनले भवन अभावमा विगतमा सेवा प्रवाहमा समस्या भइरहेको बताउदै अब सेवा प्रवाहमा सहज हुने बताए । फाया नेपाल मातृ तथा बाल स्वास्थ्य व्यवहार प्रर्वद्धन परियोजना अन्र्तगत आम्दा माइन्ड्स र परराष्ट्र मन्त्रालय जापानको आर्थिक एवम् प्राविधिक सहयोगमा उक्त भवन निर्माण सम्पन्न भएको उनले बताए ।
उक्त भवन सोमबार चुरे गाउँपालिका कार्यालयलाई हस्तान्तरण गरिएको बताउदै उनले कर्मचारी बस्ने आवास, बैठकका लागि हलको व्यवस्था सहितको ८ कोठे २ तले भवन फाया नेपालले पालिकालाई हस्तान्तरण गरेको बजानकारी गराए । स्वास्थ्य सेवाका लागि आवश्यक उपकरणहरु पनि रहेको पालिकाका अध्यक्ष बोगटीले बताए ।
उनले स्वास्थ्य चौकीका लागि भवन र आवश्यक उपकरणको जोहो भैसकेकाले अब कर्मचारी व्यवस्थापन र औषधीको व्यवस्था पालिकाले गर्ने बताए । गत वर्ष जेठ १५ गते शुभारम्भ भई निर्माणको सुरुवात गरिएको उक्त भवन फागुन १७ गते निर्माण सम्पन्न भएको जानकारी गराउदै उनले भवन निर्माणका लागि १ करोड ९९ लाख ३५ हजार ९ सय ६३ रुपैया लागत लागेको जानकारी गराए ।
