बैशाख ३० धनगढी । धनगढीमा सञ्चालित मसाज सेन्टरहरुमा प्रहरीले छापा हानेर सञ्चालक सहित ६ जनालाई पक्राउ गरेको छ । वडा प्रहरी कार्यालयका प्रमुख प्रहरी निरिक्षक जनक ढुंगानाको टोलीले मसाज सेन्टरमा छापा हानेर ४ जना युवती सहित सञ्चालक गरी ६ जनालाई पक्राउ गरेको हो ।
शनिबार प्रहरीले धनगढीका सबैजसो मसाज सेन्टरमा छापा हानेको बताईएको छ । प्रहरी स्रोतका अनुसार ८ ओटा मसाज सेन्टरहरुमा छापा हानेकोमा धनगढी उप–महानगरपालिका वडा नम्बर–४ चौराहास्थित सुदूरपश्चिम स्पा नाम गरेको मसाज सेन्टरमा कैफियत भेटिएको छ ।
उक्त मसाज सेन्टरमा अनैतिक गतिविधि भएको थाहा भए पछि प्रहरीले उक्त स्पाका सञ्चालक र त्यहाँ कार्यरत ४ जना युवती सहित ६ जनालाई पक्राउ गरेको जानकारी गराएको हो ।
छापाका क्रममा प्रहरीले उक्त स्पाको डस्टबिनमा कण्डमहरु फेला पारेको बताईएको छ । त्यसैगरी प्रहरीले युवतीसहितलाई आपत्तिजनक अवस्थामा भेटाएको समेत जानकारी गराएको छ ।
