धीरज प्रपाला,बैशाख २४ धनगढी । नेपाल कम्युनिष्ट पार्टीले गोदावरी नगरपालीका हरैयामा रहेको जमीनमा काम गर्न रोक लगाएको छ । सोमबार नेपाल कम्युनिष्ट पार्टी सुदूरपश्चिम प्रदेशले काम गर्न लगाएको हो । नेपाल कम्युनिष्ट पार्टीका केन्द्रिय सदस्य तथा सुदूरपश्चिम प्रदेश सचिव समर सीले जनयुद्ध काल देखि पार्टीले कब्जा गरेको जमीनमा भौतीक सम्रचना बन्न थाले पछि काम गर्न रोक लगाएको जानकारी गराए ।
जनयुद्ध कालमा दाङका रणबहादुर शाहको नाम्मा रहेको १८ विगाह जमीन पार्टीले कब्जा गरी भूमीहिन सुकुम्बासी बसाउदै आएकोमा भूमाफियाहरुले चलखेल गरी हटाए पनि उक्त जमीन पार्टीकै कब्जामा रहेकाले भौतीक निर्माण बन्द गराएको जानकारी गराए । सोमबार सयौजनको समुहमा हरैया पुगेका उनले नेपाल कम्युनिष्ट पार्टी मज्दुर किसान र भुमीहिन सुकुम्बासीको पक्षमा भएको बताउदै उक्त जमीनमा काम नगर्न अनुरोध गरी बाम बन्द गराएको उनले जानकारी गराए ।
त्यसैगरी नेपाल कम्युनिष्ट पार्टीका केन्द्रिय सदस्य तथा कैलाली जिल्ला ईन्चार्ज प्रकाश सीले पार्टीको कब्जामा रहेको जमीनमा रहेका सुकुम्बासीलाई हटाएर भूमाफियाले भौतीक सम्रचना बनाउन लागेको बताउदै कुनै पनि हालतमा काम गर्न नदिने बताए । उनले काम गरीरहेका मज्दुरहरुलाई सम्झाई बुझाई गरेर काम गर्न नआउने गरी पठाएको जानकारी गराए ।
भूमाफियाहरुले सुकुम्बासीलाई असारको महिना बर्षातको समयमा घर भत्काएर दुख दिनुका साथै हटाएको बताउदै पार्टीले कुनै पनि हालतमा कब्जा जमीन नछोड्ने बताए । दाङका रण बहादुर शाहको १८ विगाह जमीन पोखराका विमल बस्याल लगाएत सञ्चालक रहेको सौभाग्य रियल स्टेटको नाम्मा उक्त जमीन नामसारी भएको बताईएको छ । जग्गा पलटीँगरी सडक निर्माण र विद्युत पोल निर्माणको काम भई रहेको अबश्थामा नेपाल कम्युनिष्ट पार्टीले काम गर्न बन्द गराएको नेकपाले जनाएको छ ।