पृथ्वी साम्यबादी,फागुन १३ कालीकोट । कालीकोटको नरहरिनाथ गाउँपालिका कोटवाडा विमानस्थलको सोमबार उद्घाटन गरिने भएको छ । विमानस्थलको उद्घाटनका लागि काठमाडौँबाट सोमबार प्रधानमन्त्री पुष्पकमल दाहाल (प्रचण्ड), नागरिक उड्यन मन्त्री सुदन किराँती, अखिल समाजवादीका केन्द्रीय अध्यक्ष नरेन्द्र सि लगायतको टोली चढेको विमान काठमाडौँबाट कालिकोट अवतरण गर्ने बताईएको छ ।
विमानस्थल उद्घाटनका लागि नेपाल कम्युनिस्ट पार्टीका प्रबक्ता प्रकाण्ड सी जाने कार्यक्रम तय भएको भए पनि प्रवक्ता प्रकाण्डको अन्य कार्यक्रम तय भएका कारण विद्यार्थी नेता अखिल समाजवादीका केन्द्रीय अध्यक्ष नरेन्द्र सि लाई पठाएको प्रवक्ता प्रकाण्डको सचिवालयले जानकारी गराएको छ ।
विमानस्थल परीक्षणको लागि प्राविधिक टोली सहित उद्घाटनपूर्व आइतबार बिहान तारा एयरको ट्विनअटर विमान नेपालगञ्जबाट गएर प्रोभिन फ्लाइट गरेर फर्किसकेको नेपाल कम्युनिष्ट पार्टी कालिकोट जिल्ला ले जानकारी गराएको छ । ०७९ माघ ११ गते कालोपत्रे सकिए पनि अहिले सम्म जहाजले उडान नभरेको कोटबाडा ऐरपोर्टमा सोमबार उद्घाटन पछि उडान भरिने भएको छ ।
३८ वर्ष पहिले निर्माण कार्य गरिएको विमानस्थलमा स्थानीय कालिकोटका जनताहरूले जहाज आउने आस मारिसकेको अबश्थामा आईतबारबिहान तारा एयरलाइन्सको जहाज अवतरण हुँदा खुशी र हर्ष छायाँको नेकपा कालिकोटले जानकारी गराएको छ ।
