भरत दास, माघ १४ भारत । सुदूरपश्चिमेली नेपाली समाज भारतको ७ औं वार्षिक साधारण सभा सम्पन्न भएको छ । आइतबार भारतको तामिलनाडु राज्य चेन्नाइ चुलाइमेडुमा सुदूरपश्चिमेली नेपाली समाज भारतको ७ औं वार्षिक साधारण सभा सम्पन्न भएको हो ।
सुदूरपश्चिमेली नेपाली समाज भारतका अध्यक्ष इन्द्र बाहदुर रोकायाको सभापतित्वमा सम्पन्न भएको उक्त कार्यक्रमका प्रमुख अथिती मान बाहादुर साउद रहेका थिए भने बिशिस्ट अतिथी खबर रफ्तार नेपाली दैनिक नेपालका अत्तरिया प्रमुख भरत दास रहेका थिए ।
प्रमुख अथिती मान बहादुर साउदले आफ्नो भाषा कला सांस्कृतिकलाई कहिले पनि बिर्सनु नहुने बताउदै जुनसुकै ठाउँमा भएपनि आफ्नो भाषा कला संस्कृतिलाई माया गर्नु पर्ने बताए । उनले सुदूरपश्चिमेली नेपाली समाज सामाजिक संस्था भएकाले संस्थामा सबैलाई जोडिन आग्रह गरे ।सुदूरपश्चिमेली नेपाली समाज तामिलनाडु राज्य समेतीका कोषाअध्यक्ष अमर राज ओझाले आर्थिक आय ब्यय प्रस्तुत गरेका थिए ।
अहिले सम्म तीन लाख पचपन्न हजार नौ सय एकहक्तर रुपैयाको बारोबार भएको विबरण प्रस्तुत गर्दै उनले विभिन्न सामाजिक परोपकारी कार्यमा लगानी गरिएको बताए । भारत मात्रै नभएर नेपालमा समेत आफ्नो समितिले सहयो गरेको बताउदै उनले उक्त रकम समाजमा आबद्ध भएका सदस्यहरुले उठाएर सहयोग गरेको बताए ।
सुदूरपश्चिमेली नेपाली समाजमा एक लाख अट्चालिस हजार एक सय एकानव्बे रुपैयाँ जम्मा रहेको समेत उनले जनकारी गराए । साधारण सभाका सभापति तथा सुदूरपश्चिमेली नेपाली समाजका अध्यक्ष इन्द्र बहादुर रोकायाले सुदूरपश्चिमेली नेपाली समाजले नेपालमा विभिन्न काम गरेको बताउदै निरिन्तर काम गर्दै जाने बताए ।
