पौष २८ कञ्चनपुर । कञ्चनपुरको गड्डाचौकी नाका भएर भारतबाट घर फर्किरहेका तीन जनामा कोरोना संक्रमणको पुष्टि भएको छ । शनिबार ७९ जनाको एन्टिजेन परीक्षण गरिएकोमा ३ जनामा कोरोना संक्रमणको पुष्टि भएको हो ।
गड्डाचौकी हेल्थ डेस्कका इन्चार्ज प्रेमसिंह भण्डारीका अनुसार भारतको हरिद्वार, दिल्ली र पञ्जावबाट आएकाहरूमा संक्रमण देखिएको हो ।
कञ्चनपुरको बेलडाँडी गाउँपालिकाका २ जना र भीमदत्त नगरपालिकाका १ जना गरी ३ जनालाई कोरोना संक्रमणको पुष्टि भएको उनले बताए । उनीहरूलाई होम आइसोलेसनमा बस्ने गरी घर पठाइएको भण्डारीले जानकारी गराए ।
