पौष ०४ कपीलबस्तु । नेपाल कम्युनिस्ट पार्टीका महासचिव नेत्रविक्रम चन्द विप्लवको राजनीतिक तथा साङगठनिक प्रतिवेदन सर्वसम्मतले पारित गरिएको छ । बुधवार जारी केन्द्रीय समितिको बैठकले महासचिव विप्लवको राजनीतिक तथा साङगठनिक प्रतिवेदन सर्वसम्मतले पारित गरेको हो ।
प्रतिवेदन सर्वसम्मतले पास भएको नेकपाका स्थाई समिति सदस्य अनिल शर्मा विरहीले जानकारी गराएका हुन । सोमबारबाट सुरु भएको बैठकमा महासचिव विप्लवले ८ पृष्ठको विशेष परिस्थितिको विशेष कार्यभार, दृढताका साथ पुरा गरौँ भन्ने शीर्षकको प्रतिवेदन पेस गरेको जानकारी गराउदै उनले प्रतिवेदनमाथि केन्द्रीय सदस्यहरूले उठाएको प्रश्नको जवाफ दिए पछि सबै केन्द्रिय सदस्यहरुले एकमतले उठेर ताली पड्काएर प्रतिवेदन पारित गरेको जानकारी गराए ।
बैठकमा नेकपाको प्रभावलाई रोक्न देशी विदेशी दलाल पुँजीवादी शक्तिहरूले विभिन्न षड्यन्त्र गरिरहेको र त्यसका लागि सशक्त प्रतिरोध गर्ने गरी प्रतिवेदन पारित भएको उनले जानकारी गराए । नेकपाको बढ्दो प्रभावलाई रोक्न देशी र विदेशी दलाल पुँजीवादी शक्तिहरूले विभिन्न षड्यन्त्र गरेको बताउदै उनले त्यसका निम्ति सशक्त प्रतिरोध गर्ने योजना रहेको बताए ।
बैठकमा सरकारको भूमिकामाथि पनि प्रश्न उठेको बताउदै उनले तत्कालीन सरकार र नेकपाबिच भएको तीन बुँदे सहमति कार्यान्वयन गर्न वर्तमान सरकारले चासो नदिएको बताए । प्रतिवेदन पारित भएपछि अन्य एजेन्डाहरूमाथी छलफल भइरहेको उनले जानकारी गराए ।
