असोज ०१ कञ्चनपुर । कञ्चनपुरको दोधाराचाँदनीमा बन्ने सुक्खा बन्दरगाह बनाउन भारतले सहयोग गर्ने नेपालका लागि भारतीय राजदुत नवीन श्रीवास्तवले प्रतिबद्धता जाहेर गरेका छन । सोमबार दोधारा चाँदनीमा सुक्खा बन्दरगाह बन्ने क्षेत्रको स्थलगत अनुगमन गर्दै राजदुत श्रीवास्तले यस्तो प्रतिबद्धता जाहेर गरेका हुन् ।
उनले दोधाराचाँदनी नगरपालीकामा बन्ने सुक्खा बन्दरगाह समयमै बन्ने विश्वास समेत व्यक्त गरेका छन् । उनले सुक्खा बन्दरगाह निर्माणमा भारतले सहयोग गर्ने बताउँदै उक्त बन्दरगाह निर्माण भए दुवै देशलाई फाइदा हुने बताए । स्थलगत अनुगमनका क्रममा पूर्वमन्त्री एवं नेपाल कांग्रेसका प्रमुख सचेतक रमेश लेखकले सुक्खा बन्दरगाह निर्माणको कार्यविधि बनिसकेको जानकारी गराउदै छिटो भन्दा छिटो काम अगाडी बढ्ने बताए ।
त्यस्तै नेपाल–भारत दुवै देशका व्यापार वृद्धिका लागि सुक्खा बन्दरगाह बनाउन आवश्यक रहेको कञ्चनपुर उद्योग वाणिज्य संघका अध्यक्ष पिताम्बर जोशीले बताए । दोधारा चाँदनी नगरपालीकाका मेयर किशोर लिम्बुले समयमै सुक्खा बन्दरगाह निर्माण गराउन केन्द्रीय सरकार गम्भिर हुनु पर्ने जानकारी गराए ।
महाकाली नदीमा चार लेनको पक्की पुल निर्माण कार्य अन्तिम चरणमा रहेका बेला बन्दरगाह निर्माण कार्य समेत छिटो्र गर्नुपर्नेमा उनले जोड दिएका छन । सुक्खा बन्दरगाह निर्माण कार्य समयमै सूरु गर्नुपर्ने जिल्ला समन्वय समिति कञ्चनपुरका प्रमुख दुर्गादत्त बोहराले बताए ।
