भदौ ०५ बैतडी । एक महिना देखि बेपत्ता बैतडीका एक जना बालक मृत अबश्थामा भेटिएका छन । बैतडीको पञ्चेश्वर गाउँपालिका वडा नम्बर–४ कनिनाडङाका १४ वर्षीय रमेश भट्ट मृत भेटिएका हुन् । पञ्चेश्वर गाउँपालिका वडा नम्बर–०३ मड्वल्या खोलाको खानेपानी ट्याङकी नजिक झाडीमा रमेशको शव भेटिएको आफन्त वीरेन्द्र भट्टले जानकारी दिए ।
खानेपानी लाइन बनाउन गएका स्थानीयले उनको शव देखेको बताउदै उनले शव सडेको अवस्थामा भेटिएको जानकारी गराए । टाउको र शरीरको भाग छुट्टाछुट्टै भेटिएकोले जंगली जनावरले आक्रमण गरेको हुनसक्ने अनुमान गरिएको छ । उनी गत साउन ७ गते देखि हराएका थिए ।
