असार २२ धनगढी । खल्ती डिजिटल वालेटका सह–संस्थापक तथा निर्देशक अमित अग्रवाललाई एसपीए सम्मान प्रदान गरिएको छ । नेपाली आइटी क्षेत्रको विकासमा महत्वपूर्ण योगदान पुर्याएको भन्दै अग्रवाललाई धनगढीकोे एसपीए कलेजले एसपीए सम्मान प्रदान गरिएको हो ।
शुक्रबार एसपीएका प्रबन्ध निर्देशक सुवास शाहीले अग्रवाललाई दोसल्ला र सम्मान पत्र सहित सम्मानित गरेका हुन् । नेपाली डिजिटल वालेटमा अग्रिणी मध्येको एक खल्तीका संस्थापक अग्रवाल जानकी टेक्नोलोजीका पनि संस्थापक हुन् ।
यस्तै अग्रवालले गुगल विजनेश ग्रुपको नेतृत्व पनि गरिरहेका छन् । अग्रवालले २०१९ मा इन्टरपेनियर आइसीटी अवार्ड समेत जितेका थिए ।
अग्रवाल कम्प्युटर एशोसियसन अफ नेपालको पूर्व कार्यसमिति सदस्य समेत हुन् । अग्रवालले शुक्रबार एसपीएका विद्यार्थीहरुसँग आफ्नो अनुभव, इन्टरपेनियरसिप, लिडरसिप र स्टार्टअप कसरी सुरु गर्ने ? आदि विषयमा मन्तव्य राखेका थिए ।
विद्यार्थीहरुले राखेका विभिन्न प्रश्नहरुको उत्तर समेत अग्रवालले दिएका थिए । एसपीएले आइटी क्षेत्रमा रुचि भएका विद्यार्थीहरु उत्प्रेरित पार्नका लागि अग्रवाललाई अथिति वक्ताका रुपमा निम्त्याएको हो ।
