असार १५ धनगढी । कैलालीको धनगढीमा युुवा वैज्ञानिक सम्मेलनको आयोजना गरिएको छ । प्रदेश युवा परिषद्ले रोबोटिक एशोसिएसनको समन्वय तथा खोज, अनुसन्धानको क्षेत्रमा क्रियाशिल विभिन्न संघ, संस्थाको प्राविधिक सहयोगमा शुक्रबारबाट युवा वैज्ञानिक सम्मेलनको आयोजना गरिएको हो ।
सम्मेलन आज शनिबार सम्म चल्ने बताईएको छ ।
सम्मेलनको उद्घाटन गर्दै सुुदूरपश्चिम प्रदेशका सामाजिक विकास मन्त्री झपट बहादुर साउँदले प्रदेश सरकार युवा वैज्ञानिकलाई खोज, अनुुसन्धानमा प्रेरित गर्न प्रतिबद्ध रहेको बताए । युवा सम्मेलनमा रोबोटिक्स फुटबल प्रतियोगिता र यन्त्र रोबोटिक रेसको समेत आयोजना गरिएको आयोजक प्रदेश युवा खेलकुद परिषद्ले जनाएको छ
रोबोटिक्स फुटबल प्रतियोगितामा सुदूरपश्चिम प्रदेश सहित विभिन्न जिल्लाका ११ वटा समूूह र शनिबार हुने यन्त्र रोबोटिक रेस प्रतियोगितामा १६ वटा समूहको सहभागिता रहने बताईएको छ । सम्मेलनमा सुदूरपश्चिम सहित काठमाडौँ, सुर्खेत लगायतका जिल्लाबाट समेत स्कुल तथा क्याम्पसबाट विज्ञान प्रदर्शनीका लागि समूह धनगढी आइपुगेको आयोजकले जनाएको छ ।
सम्मेलनमा देशभरका १६ जना युवा वैज्ञानिकको सहभागिता रहेकोमा सुदूूरपश्चिम प्रदेशका ९ जनाको सहभागीता रहेको बताइएको छ । सम्मेलनमा उत्कृष्ट प्रदर्शन गर्ने व्यक्ति तथा समूहलाई एक लाख पुरस्कार दिने बताईएको छ । उक्त पुरुष्कार राशी युथ इनोभेसन नामक संस्थाले व्यहोर्ने आयोजकले जानकारी गराएको छ ।
