म्याग्दीको रुप्से झरना हेर्न गयका एक जनाको र्चिप्लिएर मृत्यु
- बिश्णु बिस्वकर्मा,बैसाख २३ म्याग्दी । म्याग्दीको अन्नपूर्ण गाउँपालिका वडा नंम्बर ३ मा रहेको रुप्से झरना अवलोकन गर्ने क्रममा चिप्लिएर शनिबार एक जनाको मृत्यु भएको छ ।
काठमाडौँको बुढानीलकण्ठ नगरपालिका वडा नंम्बर. १ चपली बस्ने ५६ वर्षीय बसन्त भण्डारीको मृत्यु भएको जिल्ला प्रहरी कार्यालय म्याग्दीले जनाएको छ ।
प्रहरी निरीक्षक किरण लामाका अनुसार, ढुंगाबाट चिप्लिएर ३० मिटर तल खस्दा टाउकोमा चोट लागेर गम्भीर घाइते भएका भण्डारीलाई जिल्ला अस्पताल बेनीमा ल्याउँदा चिकित्सकले मृत घोषणा गरेको जानकारी गराए ।
बेनी–जोमसोम सडकअन्तर्गत पर्ने रुप्से झरना अवलोकन गर्ने क्रममा भण्डारी आफुले टेकेको ढुंगाबाट चिप्लिएर खसेको बताइएको छ।
