बैशाख १५ धनगढी । पछिल्लो २४ घण्टामा कैलालीका ३ जना सहित देशभर १ सय ३ जनामा कोरोना संक्रमणको पुष्टि भएको छ । स्वास्थ्य निर्देशनालय डोटीका अनुसार कैलालीको गौरीफन्टा नाकाबाट भित्रिएका कैलालीका ३ जनामा कोरोना संक्रमणको पुष्टि भएको हो । सीमा नाकाबाट भित्रिएका १ सय ९१ जनाको एन्टीजेन बिधिबाट कोरोना परिक्षण गरिएकोमा ३ जनामा कोरोना संक्रमणाके पुष्टि भएको हो ।
शुक्रबार सुदूरपश्चिम प्रदेशभरी २ सय ७४ नमूनाको कोरोना परिक्षण गरिएको छ । जसमा ३ जना कोरोना संक्रमित थपिएका हुन । हाल सुदूरपश्चिम प्रदेशमा कोरोनाका संक्रिय संक्रमितको संख्या ७९ जना रहेको छ । त्यसैगरी देशभर सक्रिय संक्रमितको संख्या ३ सय ७५ जना पुगेको स्वास्थ्य तथा जनसंख्या मन्त्रालयले जनाएको छ ।
शुक्रबार १ सय ३ जना नयाँ संक्रमित थपिएसँगै नेपालमा सक्रिय संक्रमितको संख्या ३ सय ७५ जना पुगेको हो । पछिल्लो २४ घन्टामा गरिएको १ हजार ९ सय २५ जनाको नमूना परीक्षण गर्दा १ सय ३ जना संक्रमित थपिएका हुन । यही समयमा ५३ जना संक्रमित संक्रमण मुक्त भएका छन् । मन्त्रालयको विवरण अनुसार सक्रिय संक्रमित मध्ये हाल २६ जना संस्थागत आइसोलेशनमा रहेका छन् भने ८ जना आइसियुमा र एकजना भेन्टिलेटरमा रहेका छन् ।
