चैत्र ५ डोटी । डोटी बहुमुखी क्याम्पसमा स्ववियु निर्वाचन स्थगित भएको छ। केही विद्यार्थीहरुले मतपेटिका फुटाए पछि मतदान स्थगित भएको हो।मत पेटिका लगायत अन्य सामग्री तोडफोड भएकाले मतदान गर्न गराउन सम्भव नभएको निर्वाचन अधिकृत हर्कबहादुर कँडेलले जानकारी गराए ।
मतदाताको परिचयपत्र समबन्धी सामान्य विवाद भइरहेकै समयमा केहि व्यक्ति भित्र प्रवेश गरी मतपेटिका तोडफोड गरे पछि मतदान स्थकित भएको हो । करिब ६५ प्रतिसत मतदान सम्पन्न भइसकेको अबश्थामा निर्बाचन स्थकीत भएको निर्वाचन समितिले जनाएको छ ।
डोटी बहुमुखी क्याम्पसमा विद्यार्थी संख्या ८ सय ९ रहेको छ। निर्वाचन समितिले सूचना जारी गर्दै केही अराजक व्यक्तिले मतपेटिका तथा अन्य सामग्री तोडफोड गरेका कारण निर्वाचन स्थगित भएको जानकारी दिएको छ ।
निर्वाचन हार्ने भए पछि अनेरास्ववियु लगायतका संगठनहरुले अराजक कार्य गरेको नेपाल विद्यार्थी संघले आरोप लगाएको छ । नेपाल विद्यार्थी संघका नेता तथा विद्यार्थीले सुरक्षा कमजोरीका कारण घटना घटेको भन्दै जिल्ला प्रशासन कार्यालय घेराउ गरी नाराबाजी समेत गरेका छन । नेविसंघले निर्वाचन सुचारू गर्न माग समेत गरेको छ।
