पौष २८ धनगढी । जातिय भेदभाव नामक चलचित्र यही पौष ३० गते एसटीएस हलमा प्रदर्शन गरिने भएको छ । कैलालीको धनगढीमा रहेको एसटिएस सिनेमा हलमा यही पौष ३० गते जातिय भेदभाव नामक चलचित्र प्रदर्शन गरिने भएको हो ।
बुधवार चलचित्रका नायक अमृत थापाले पौष ३० गते चलचित्र प्रदर्शन गरिने जानकारी गराए । थापाले चलचित्रमा नायकको भूमीका निर्बाह गरेका छन भने आयुशा शाहीले नायिकाको भूमीका निर्बाह गरेकी छन । त्यसैगरी चलचित्रको निर्देशन संञ्जय खडकाले गरेका छन भने क, कथाकार पनि खडका नै रहेका छन ।
खडकाले चारवटा छोटा चलचित्रको निर्देशन गरिसकेको बताउदै उनले समाजमा विद्ययमान जाति छुवाछूतको पीडालाई अभिनय मार्फत देखाईएको बताए । उनले समाजमा दिशानिर्देशन गर्ने शिक्षकले नै जातिय छुवाछूत गर्ने गरेको विषयलाई चलचित्रमा उठान गरिएको बताए ।
गैर दलित केटीसंग भएको दलित केटाको प्रेम सम्बन्धलाई परिवारले स्विकार गर्न नसकेर केटाको हत्या गरिएको दुखद विषय पनि चलचित्रमा समाबेश गरिएको उनले बताए । जाजरकोटका युवा नवराज विकको घटनालाई मुख्य विषय बनाइएर निर्माण गरिएको चलचित्रको मुख्य उदेश्य जातिय विभेद अन्त्य गर्नु रहेको र समाजमा आमुल परिबर्तन ल्याउन भएको उनले बताए । चलचित्रको संगित एलिना चौहानले गरेको समेत उनले जानकारी गराए ।
एक लाख, पचास हजारको लगानीमा निर्माण गरिएको चलचित्रको छायांकन कैलालीको गोदावरी र धनगढीमा गरिएको खडकाले बताए । समाजमा जातिय छुवाछूतले मानिसमा पर्न गएको पीडालाई कम गर्न मान्छेको व्यावहारमा परिबर्तन ल्याउने उदेश्यले चलचित्रको निर्माण गरिएको उनले बताए ।
