मंसिर २६ काठमाण्डौ । धनगढीको सुदूरपश्चिमाञ्चल एकेडेमी(एसपीए)का विद्यार्थी सोहन कैनीले अर्बिट इन्जिनियर एक्स्पो कार्यक्रम आयोजना प्रोजेक्ट प्रदर्शनीमा सहभागिता जनाएका छन ।
देशभरिका इन्जिनियर्सहरुहरुको संस्था इन्जिनियर्स भ्लगले हरेकवर्ष आयोजना गर्ने अर्बिट इन्जिनियर एक्स्पो कार्यक्रम उनले सहभागिता जनाएका हुन । देशभरिबाट आएका र काठमाडौं उपत्यकाका हजारौं इन्जिनियरिङ विद्यार्थीहरुमाझ सोहनले आफैले बनाएको इलोक्ट्रिक बाइक विथ फिंगरपिन्ट प्रदर्शनीमा राखेर सहभागिता जनाएका हुन ।
देशभरिबाट इन्जिनियरिङका क्षेत्रमा भएका, गरिएका प्रयासहरु प्रदर्शनी गर्ने उक्त कार्यक्रममा क्रैनीले सहभागीता जनाएका हुन । यसपल्ट यही डिसेम्बर ९ देखि १० सम्म काठमाडौंमा भएको एक्स्पोमा प्रोजेक्ट प्रदर्शनी, रोबो सकर, रोबो वार र पेपर ब्रिज कम्पिटिसन कार्यक्रममा सोहनले सवारी एस ५ नामको बाइकलाई प्रदर्शनीमा राखेका हुन् ।
उनले प्रदर्शनीमा राखेको बाइकलाई नेपाल विद्युत प्राधिकरणका प्रमुख कार्यकारी कुलमान घिसिङ देखि इन्जिनियर सागर ढकाल लगायतले अवलोकन गरेका छन् । कक्षा ११ मा एसपीएमा अध्ययनरत् सोहनलाई उक्त बाइक प्रोजेक्ट निर्माणका लागि सबै सहयोग कलेजले गरेको हो । हजारौं विद्यार्थीमाझ आफूले बनाएको प्रोजेक्ट सहित उपस्थित हुन पाउँदा गर्ब महसुस गरेको उनले
बताएका बताएका छन ।
देशभरिबाट इन्जिनियरिङ क्षेत्रमा रुचि भएका विद्यार्थीहरुबीच उपस्थित हुन पाउँनु नै मेरा लागि ठूलो विषय हो । त्यसमाथि मैले आफूले बनाएको बाइक प्रदर्शन गर्न पाउनु झनै सुखद विषय भएको उनले बताए । यहाँसम्म पुर्याउँन कलेजले नै सबै मदत गरेको बताउदै उनले कलेज परिवार प्रति आभार व्यक्त गरेका छन । सोहनको सवारी एस ५ एकपटकमा चार्ज गरेमा ५० देखि ६० किलोमिटर कुद्न सक्छ । ब्याट्रीको पावर बढाएर बाइक अझै धेरै कुद्न सक्ने उनले बताएका छन ।
इलोक्ट्रिक बाइक भएकाले वातावरण मैत्री भएको बताउदै उनले औलाको सेन्सरले सजिलै अन गर्न सकिने बताए । मैले सबै पुनः प्रयोग हुने सामाग्रीहरुको प्रयोग गरेर यो बाइक बनाएको हुँ । माइलेजको पनि समस्या छैन । ब्याट्रीको पावर बढाउँन चाहे अझै बढी कुद्छ, सोहनले भने । पूर्ण रुपमा बाइक तयार हुँदा व्यवसायिक रुपमा एक लाख सम्ममा बिक्री गर्न सकिने उनले बताएका छन । व्यवसायिक रुपमा अघि बढ्न अझै बाइकमा आफूले काम गरिरहेको बताउदै उनले एसपीएका क्याम्पस प्रमुख योगराज उपाध्यायले कलेजले पढाईका अलावा विद्यार्थीहरुको रुचि अनुसार लगानी पनि गर्ने गरेको र त्यसले प्रतिफल देखाउँदै गएको बताए ।
अब किताबी रटानले मात्रै विद्यार्थीलाई पुग्दैन । शैक्षिक संस्थाले उनीहरुको रुचि अनुसारको क्षेत्रमा लाग्न र त्यसमा अब्बल हुन प्रेरित गर्नु पर्नै उपाध्यायले बताए । हामीले विधार्थीलाई संस्कार र अनुशासनयुक्त अध्ययनसँगसँगै पसिना र कर्ममा विश्वास गर्ने बनाउँछौं । त्यसमा लगानी पनि गरेका छौं । जसमा देशभरबाट अब्बल हुँदै हाम्रा विद्यार्थीले प्रतिफल पनि देखाइरहेका छन् उनले भने । झण्डै ३५ सय विधार्थी अध्ययनरत् एसपीए सुदूरपश्चिमकै अग्रिणी शैक्षिक संस्था भएको बताउदै उनले एसपीएमा स्नातकोत्तर तहमा एमएड, एमबीएस, स्नातक तहमा बीए, बीबीएस, बीएड, बीएचएम, बीआईएम, एकवर्षे बीएड तथा प्लस टूमा विज्ञान, व्यवस्थापन, शिक्षा, मानविकी, कानुन, होटल म्यानेजमेन्ट, आमसञ्चार र पत्रकारिता विषयमा अध्ययन अध्यापन हुँदै आएको जानकारी गराए ।\
कलेजमा पूर्ण रुपमा मल्टिमिडियायुक्त कक्षाकोठाहरु रहेको बताउदै उनले सबै कोठामा सिसी टिभी क्यामेरा जडान गरिएको बताए । आधुनिक कम्प्युटर तथा विज्ञान प्रयोगशालामा विधार्थीहरुलाई प्रशिक्षित गराइन्छ । टाढाबाट आउने विधार्थीका लागि कलेजले बसको व्यवस्था गर्नुका साथै होस्टेलको समेत व्यवस्था गरेको उनले जानकारी गराए ।
