मंसिर १८ धनगढी । नेपाल कम्युनिस्ट पार्टीका महासचिव नेत्र विक्रम चन्द विप्लव की ममतामयी आमा आशिका देवी चन्दको कपिलवस्तुको शिवगढीमा श्रद्धाञ्जली सहित अन्त्येष्टि गरिएको छ । शनिबार कपिलवस्तु स्थिति आफ्नै निवासमा निधन भएकी महासचिव चन्दकी ममतामयी आमाको पार्थिव शरिरमा महासचिव विप्लवले फुलमाला र अविर लगाएर अन्तिम श्रद्धाञ्जली दिए पछि उनको आईतबार अन्त्येष्टि गरिएको हो ।
महासचिव चन्दकी आमाको पार्थिव शरिरमा पार्टीका नेताकार्यकर्ता, घरपरिवार, आफन्त र स्थानीयले श्रद्धाञ्जली दिएका थिए । श्रद्धाञ्जली पश्चात् आमा आशिका देवि चन्दको अन्त्येष्टि गरिएको हो । परम्परागत संस्कारको विकल्पमा जनसंस्कार र जनसंस्कृतिको अवलम्बन गर्ने पार्टीको नीति अनुसार उनको दाहसंस्कार पछि ५ दिनसम्म शिवगढीमा विभिन्न कार्यक्रमहरु गरिने कार्यक्रम तय गरिएको छ । दोश्रो दिन आज १९ गते आमाको सम्झनामा बृक्षारोपण गरिने, तेस्रो दिन २० गते बृद्ध आमाबुबालाई न्यानो कपडा वितरण गरिने, चौथो दिन २१ गते समवेदना दिन आउने महानुभावहरुलाई भेटघाटको निरन्तरता दिने, पाचौं दिन २२ गते शोक सभा कार्यक्रम गरिने भएको छ ।
बुवा विनाराम घर्ती र आमा सुनसरी घर्तीको कोखबाट वि. सं. १९८६÷१÷२१ गते जन्मिनु भएकी आशिका देवीको पति चित्र बहादुर चन्दसँग विवाह भएको थियो । आशिकादेवीको ३ छोराहरु नेत्र विक्रम चन्द विप्लव, वीरजंग चन्द र जयन्द्र चन्द रहेका छन । त्यसैगरी छोरीहरु तुलसा चन्द, लक्ष्मी चन्द र देवा चन्द छन । जेठा छोरा वीरजंगको गतवर्ष लामो समय जेल जीवनपश्चात् निधन भएको थियो । नेपाल कम्युनिस्ट पार्टीका महासचिव विप्लवकी ९६ वर्षिय आमा आशिका चन्दको शनिबार कपिलवस्तु स्थिति आफ्नै निवासमा हुन गएको निधन प्रति नेपाल कम्युनिस्ट पार्टीले श्रद्धाञ्जली व्यक्त गरेको छ ।
पार्टीका स्थायी कमिटी सदस्य एवम् प्रवक्ता खडक बहादुर विक प्रकाण्डले आइतबार शोक वक्तव्य जारी गर्दै आदरणीय आमा आशिकाको निधनप्रति श्रद्धाञ्जली र महासचिव लगायत घरपरिवार, आफन्तहरुमा समवेदना प्रकट गर्नु भएको हो । शोक वक्तव्यमा आमा आशिका देवी चन्दले नेपालको कम्युनिस्ट आन्दोलन, नेपाल कम्युनिस्ट पार्टी र एकीकृत जनक्रान्तिमा पु¥र्याएको योगदान प्रति पार्टी उच्च सम्मान व्यक्त गर्दछ । साथै दिवंगत आमाको क्रान्ति र परिवर्तन प्रतिको सपना पूरा गरि छाड्ने प्रतिबद्धता समेत व्यक्त गर्दछ शोक वक्तव्यमा उल्ल्ेख गरिएको छ ।
नेपाल कम्युनिस्ट पार्टीका प्रवक्ता प्रकाण्डद्वारा जारी शोक वक्तव्यमा जनप्रीय तथा गौरवशाली पार्टी नेपाल कम्युनिस्ट पार्टीका महासचिव कमरेड विप्लवकी ९६ वर्षिय आमा आशिका चन्दको शनिबार बिहान ९ बजे दुखद निधन हुन गएको छ । सर्वप्रथम दिवंगत आमाप्रति हाम्रो पार्टी स–सम्मान श्रद्धाञ्जली अर्पण गर्दछ । अभिभावक गुमाउदाको सर्वाधिक पिडापूर्र्ण यो क्षणमा पार्टी महासचिव कमरेड विप्लव , उहाको परिवार र आफन्तजनहरुमा पार्टी हार्दिक समवेदना व्यक्त गर्दछ शोक वक्तव्यमा भनिएको छ ।
