धर्म सिह विक,साउन ०७ धनगढी । नेत्र विक्रम चन्द नेतृत्वको नेपाल कम्युनिष्ट पार्टी कैलालीका सचिव गणेश ढकाल सुदूरपश्चिम प्रदेशमा पहिलो पटक ड्रायगन पार्क बनाउने उदेश्यका साथ राजनीतिसंगै ड्रागन खेतीमा ब्यस्त रहेका छन ।
कैलालीको लम्की चुहा नगरपालीका वडा नम्बर १ क्याम्पस अगाडी सचिव ढकालले गड्रायगन पार्क बनाउने उदेश्यका साथ ड्रागन खेतीको सुरुबात गरेका छन । भुमीपुत्र कृषी तथा पशुपंक्षी फर्म दर्ता गरेर सचिव ढकालले राजनीति र ड्रागन खेतीलाई संगसंगै लगेका छन ।
लम्की चुहा नगरपालीकाको कृषी शाखाबाट ६५ हजार ५ सय अनुदान र बाकी आफ्नो रकम लगाएर ५ कट्टा जमीनमा ड्रागन खेतीको सुरुबात गरेका सचिव ढकालले ड्रागन पार्कका रुपमा विकास गर्ने योजनाका साथ ड्रागन खेतीमा लागेको जानकारी गराए । उनले भ्यूटावर देखि बालबाटीका र फुल गार्डेन निर्माण गर्ने योजना रहेको समेत जानकारी गराए ।
सचिव ढकालले हरेक नेता कार्यकर्ताहरुले उत्पादनसंग जोडीने पार्टीको उदेश्य अनुरुप पार्टी र ड्रागन खेतीलाई संगसंगै लिएको बताउनु भयो । उनले ड्रागन पार्कका लागी भ्यूटावरका लागी पीललर समेत गाडी सकेका छन भने माटो भरेर जमीनको विचको भागलाई अग्लो बनाएका छन ।
पार्कको विच विचमा बाटो समेत राखिएको सचिब ढकालले बताउनु भयो । उनले लगाएको ड्रागन खेतीका दुईवटा विरुवा फल्न लागी सकेका छन भने बाकी फुल्ने अबश्थामा रहेका छन । उनले बिक्रिका लागि बजारको समस्या नभएको बताउदै ‘मान्छेहरु पार्कमे आएर रमाउनुका साथै ड्रागनको स्वाद लिन सक्ने जानकारी गराए ।
उनले ड्रागन फ्रुट प्रतिकिलो ६ सय देखि हजारका दरले बिक्री हुने समेत बताए । ड्रागनले उत्पादन गर्न १८ महिना कुर्नु पर्ने बताउदै ढकालले ड्रागन फ्रुट अमेरिका, मेक्सिको र दक्षिण अमेरिकी देशहरुमा पाइने फल भएको जानकारी गराए । यो एक सिउँडी प्रजातीको फल हो ।
यसको खेती तराई देखि उच्च पहाडी जमिन सम्म गर्न सकिन्छ । यसको फलबाट उच्चस्तरको आइसक्रिम, इनर्जी ड्रिंक, वाइन र ब्रान्डी बनाउन सकिन्छ । यसमा फूल फुलेको ४५ दिनमा फल तयार हुन्छ भने जेठ देखि असोज–कात्र्तिक सम्म उत्पादन दिने कृषि प्राबिधिकहरुले बताउने गरेका छन ।
प्राविधिकका अनुसार रोपेको १८ महिनाबाट ड्रागनबाट फल लिन सकिन्छ भने यसले २५ बर्ष सम्म उत्पादन दिने गर्छ । ड्रागन फलको नियमित प्रयोगले मानिसलाई ताजा राख्नुका साथै मुटू समेत स्वस्थ राख्ने र यसमा फाइबर र एन्टी अक्सिडेन्ट्स हुने भएकोले यसले मुटूलाई स्वस्थ्य राख्न मद्धत गर्ने चिकित्सकहरुले बताउने गरेका छन । यसले शरीरको प्रतिरक्षा प्रणाली मजबुद बनाउन मद्धत गर्ने पनि चिकित्सकहरुले बताउने गरेका छन ।
