माघ १५ धनगढी
तराईमा शीतलहर र हिमालमा हिमपातबाट गरिब विपन्न र अशक्तलाई बचाउन न्यानो कपडा र दाउरा वितरणका लागि गृहमन्त्री बालकृष्ण खाँणले निर्देशन दिनु भएको छ ।
सरकारले गरेको निर्णय शीतलहर र हिमपातबाट बच्न न्यानो कपडा र दाउरा वितरणका लागि गृहमन्त्री बालकृष्ण खाँणले शनिवार २० जिल्लाका प्रमुख जिल्ला अधिकारीलाई टेलिफोन सम्पर्क गरेर निर्देशन दिनु भएको हो । गृहमन्त्री बालकृष्ण खाँणले डडेलधुराका प्रमुख जिल्ला अधिकारी प्रेमराज जोशी, बझाङका बाबुराम अर्याल, गोरखाका शङ्करहरि आचार्य, ताप्लेजुङका उमेश पाण्डे, मनाङका रवीन्द्र आचार्य र सोलुखुम्बुका गणेशविक्रम शाहीलाई टेलिफोन गरी न्यानोे कपडा तथा दाउराको व्यवस्थापन गर्न निर्देशन दिनु ुभएको हो । त्यस्तैगरी उहाँले मुगुका प्रमुख जिल्ला अधिकारी रोमबहादुर महत, खोटाङका फणिन्द्र दाहाल, ओखलढुङ्गाका दिलकुमार तामाङ, सुनसरीका इन्द्रदेव यादव, उदयपुरका वीरेन्द्रकुमार यादव र पाँचथरका सुरेश न्यौपानेसँग जिल्लागत शान्तिसुरक्षा र कोभिड–१९ लगायतका विषयमा जानकारी समेत लिनु भएको छ ।
त्यसैगरी सिन्धुपाल्चोकका प्रमुख जिल्ला अधिकारी बेदनिधि खनाल, इलामका माधवप्रसाद ढुङ्गाना, रसुवाका नवराज जैसी, म्याग्दीका चिरञ्जीवी राना, लमजुङकका सुशील वैद्य, सप्तरीका जनार्दन गौतम, रौतहटका कृष्णबहादुर शाही र पर्वतका पर्वत देवी पाण्डे खत्रीसँग टेलिफोनमा जिल्लामा कोभिड–१९ सङ्क्रमणको अवस्था, खोप लगाएकाको संख्या, शान्ति सुरक्षाको अवस्था र न्यानो कपडा वितरणबारे बाँकी पेज ७ मा जानकारी लिनु भएको मन्त्रीका प्रेस संयोजक मधुसुधन भट्टराईले जानकारी दिनु भयो । गृहमन्त्री खाँणले जिल्ला प्रशासन र जिल्लास्थित सरकारी कार्यालयमा कोभिड–१९ को अवस्था, शान्ति सुरक्षाको स्थिति, तराईमा शीतलहर र हिमालमा हिमपातको प्रभावमा परेका गरिब र अशक्त नागरिकलाई न्यानो कपडा वितरणबारे जानकारी लिनु भएको उनका प्र्र्रेस सल्लाकारले जानकारी गराएका हुन । सरकारले गत मङसिर १ गते नै रकम खर्च गर्ने अख्तियारी सहित तराईमा शीतलहरबाट बच्न र हिमालमा हिमपातबाट बच्न न्यानो कपडा वितरणका लागि निर्देशन दिएको थियो । डडेल्धुराका प्रजिअ प्रेमराज जोशिले हिमपातबाट बच्न नागरिकलाई न्यानो कपडा वितरण, कोभिड सङ्क्रमणको अवस्था र शान्ति सुरक्षाको अवस्थाबारे गृहमन्त्रीले टेलिफोनबाट जानकारी लिएको बताउन ुभयो । त्यसैगरी बझाङका प्रमुख जिल्ला अधिकारी बाबुराम अर्यालले गृहमन्त्री खाँणले टेलिफोनमा जिल्लामा कोभिड–१९ को सङ्क्रमणको अवस्थाका वारेमा जानकारी लिनुभएको बताउदै कोरोना रोक्नका लागि खोप लगाउने कार्य, आइसोलेसन, शान्ति सुरक्षाको अवस्था र न्यानो कपडा वितरणबारे जानकारी लिएको बताउनु भयो । मन्त्रीज्यूले बिहान टेलिफोनमा जिल्लामा शान्ति सुरक्षाको अवस्था, कोभिड सङ्क्रमण, कोभिड विरुद्धको खोप र हिमपातको विषयमा जानकारी लिनुभएको प्रमुख जिल्ला अधिकारी अर्यालले जानकारी गराउनु भयो । भारतबाट आउने नागरिकमा कोभिडको सङ्क्रमणबारे पनि मन्त्री खाँणले जानकारी लिएको उहाँले बताउनु भयो । इलामका प्रजिअ ढुङ्गानाले सीमाबाट आएका नागरिकमा कोभिड सङ्क्रमणको अवस्था, निको हुने दर, विद्यालय सञ्चालनको अवस्था कस्तो छ भनेर मन्त्री खाँणले जानकारी लिएको जानकारी गराउनु भयोे ।