पौष ११ धनगढी । कैलालीबाट लागूऔषध सहित २ जनालाई प्रहरीले पक्राउ गरेको छ । कैलालीको टीकापुर नगरपालिका वडा नम्बर–९ खक्रोला पोष्ट नजिकैबाट टीकापुर नगरपालिका वडा नम्बर–१ बनगाँउ बस्ने ३३ वर्षीय संजिव कुमार चौधरीलाई प्रहरीले पक्राउ गरेको हो ।
संजिवको साथबाट ५७० मिलिग्राम लागूऔषध खैरो हिरोईन फेला पारी इलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको हो । त्यसैगरी घोडाघोडी नगरपालिका वडा नम्बर–२ टनकपुर बस्ने ३७ वर्षीय किसिमलाल चौधरीलाई प्रहरीले पक्राउ गरेको छ ।
चौधरीको घरमा खान तलासी गर्दा ११ ग्राम २६० मिलिग्राम लागूऔषध खैरो हिरोईन बरामद गरी उनलाई इलाका प्रहरी कार्यालय सुख्खड र लागु औषध नियन्त्रण ब्यूरो शाखा कार्यालय धनगढीबाट खटिएको सयूक्त प्रहरी टोलीले पक्राउ गरेको हो । दुबै जनालाई नियन्त्रणमा लिई थप अनुसन्धान भईरहेको प्रहरीले जनाएको छ ।
