पौष ११ धनगढी । प्राइम कमर्सियल बैंकको धनगढी शाखा र सुदूरपश्चिम तथा कर्णाली प्रदेश कार्यालयको धनगढीमा एक समारोहका बीच समुद्घाटन गरिएकोे छ ।
धनगढी शाखा तथा सुदूरपश्चिम र कर्णाली प्रदेश शाखाको उद्घाटन समारोहका प्रमुख अतिथि पद्मा अस्पताल , पद्मा नर्सिङ कलेजका संस्थापक सफल उद्यमी गजेन्द्रवीर चन्दले उद्घाटन गरेका हुन ।
समारोहमा बैङ्कले गरेको सुविधा व्यवस्थाले ग्राहकहरूलाई छिटोछरितो र आरामदायी सुविधा प्रदान गर्न मद्दत पुग्ने बैंकका प्रदेश प्रमुख ईन्द्रप्रसाद गुरागाईँले बताए । उनले नयाँ स्थानमा बैङ्कले आधुनिक सुविधा, पर्याप्त पार्किङ र सुरक्षित वातावरणको व्यवस्था गरेको जानकारी गराए ।
धनगढीको मध्य केन्द्र मेनरोडमा कार्यालय स्थापना गरेपछि ग्राहकहरूले स्वागत गरेका छन् । कार्यक्रमका बीच स्थानीय ग्राहकले पहिलेको ठाउँमा भीडभाड र पार्किङको समस्या भएको बताउदै अब नयाँ ठाउँमा सरेपछि सेवा लिन सहज हुने बताएका छन ।
