पौष १० कञ्चनपुर । कञ्चनपुरमा ट्याक्टरले स्कुटीलाई ठक्कर दिएपछि चालक ट्याक्टर सहित फरार भएका छन । कञ्चनपुरको भीमदत्त नगरपालिका वडा नम्बर–५ बनगाउ साइपन नजिक भाईरल रोडबाट महेन्द्रनगर बजार तर्फ आउदै गरेको सुदूरपश्चिम प्रदेश ०२–००४ प ६५८९ नम्बरको स्कुटीलाई बिपरित दिशाबाट आउदै गरेको नम्बर नखुलेको ट्याक्टरले बुधवार ७ः३० बजे ठक्कर दिएर चालक फरार भएको हो ।
ट्याक्टरले ठक्कर दिँदा स्कुटि चालक वडा नम्बर–५ँ बस्ने २१ वर्षीय राहुल तिरुवाको टाउको अनुहार र बाया आखा माथि चोट लागेको र सोहि स्कुटि पछाडी सवार भीमदत्त नगरपालिका वडा नम्बर–१४ बनकट्टी बस्ने १७ वर्षकी बिपना जोशीको अनुहार र टाउकोमा चोट लागेको प्रहरीले जानकारी गराएको छ ।
घाईते दुवै जनालाई महाकाली प्रादेशिक अस्पतालमा सामान्य उपचार पश्चात थप उपचारका लागि निसर्ग अस्पताल धनगढी पठाईएको जिल्ला प्रहरी कार्यालय कञ्चनपुरले जनाएको छ । फरार रहेका ट्याक्टर र चालकको खोजतलास भईरहेको प्रहरीले जनाएको छ ।
