पौष १० धनगढी । कैलालीबाट लागू औषध सहित ३ जनालाई प्रहरीले पक्राउ गरेको छ । बुधवार टीकापुर नगरपालिका वडा नम्बर–.८ बटनपुर स्थित सडक खण्डमा बर्दगोरिया गाउँपालिका वडा नम्बर– ५ स्याउलीनगरका २८ वर्षीय दिनेश शाही र १८ वर्षीय गोपाल सुनारलाई प्रहरीले पक्राउ गरेको हो ।
शङ्का लागि चेकजाँच गर्दा दिनेश शाहीले बोकेको झोला भित्र १ ग्राम ७ सय ९० मिलिग्राम लागू औषध खैरो हिरोइन फेला परेपछि दुबैजनालाई पक्राउ गरिएको प्रदेश प्रहरी कार्यालय धनगढीले जनाएको छ ।
उनीहरूलाई प्रहरी चौकी सत्तिबाट खटिएको प्रहरी टोलीले पक्राउ गरेको जानकारी गराईएको छ । त्यसैगरी बुधवार टीकापुर नगरपालिका वडा नम्बर–९ खक्रोला चेक पोस्टबाट लम्किचुहा नगरपालिका वडा नम्बर–४ भल्काका २२ वर्षीय रमेश नेपालीलाई १ ग्राम १० मिलिग्राम लागू औषध खैरो हिरोइन सहित प्रहरीले पक्राउ गरेको छ । उनलाई इलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको हो ।
