सम्झना विष्ट,पौष ०६ धनगढी । सुदूरपश्चिम प्रदेश प्रहरी कार्यालय धनगढीका प्रमुख एवं प्रहरी नायव महानिरीक्षक (डिआईजी) ओमबहादुर रानाले शान्ति सुरक्षालाई प्रभावकारी बनाउन सबैको सहयोग आवश्यक भएको बताएका छन । आइतवार आयोजना ग रिएको पत्रकार भेटघाट कार्यक्रममा बोल्दै प्रहरी नायव महानिरीक्षक रानाले यस्तो बताएका हुन् । शान्ति सुरक्षालाई प्रभावकारी बनाउन सरोकारवाला र नागरिकसंग वृहत छलफल गरेर अघि बढ्ने उनले बताए । बढ्दो लागुऔषध कारोबारलाई न्युनीकरण गर्नका लागि सबैले सक्रीय भूमीका निर्बाह गर्नु पर्ने बताउदै उनले लागुपदार्थ ओसार पसार र कारोबारलाइ न्युनीकरण गर्न सबैले लाग्नु पर्ने बताए ।
जेनजी आन्दोलनका क्रममा भोगेका कैदीबन्दी मध्ये अझै ३ सय ६५ जना फरार रहेको बताउदै उनले भागेका मध्ये ६५ जना भारतीय रहेको जानकारी गराए । धेरै कैदीबन्दी भारत भागेको हुन सक्ने बताउदै उनले प्रहरी नागरिकलाई शान्ति सुरक्षाको प्रत्याभूति दिलाउन प्रतिबद्ध रहेको बताए । प्रदेशमा आत्महत्या बढ्दै गएको बताउदै उनले डिप्रेसनका कारण र अन्य कारणले पनि हुने भएकाले सत्यतथ्य पत्ता लगाई रोकथामका लागि प्रहरी लागिरहेको बताए । त्यसैगरी प्रदेश प्रहरी कार्यालयका प्रहरी उपरीक्षक गौतम मिश्रले कार्यालयले मंसिर महिनामा सम्पादन गरेका कामका बारेमा जानकारी गराएका थिए । मंसिर महिनामा १ सय २० वटा सवारी दुर्घटना हुँदा १० जनाको मृत्यु भएको जानकारी गराउदै उनले २ सय १४ जना घाइते भएको जानकारी गराए । दुर्घटनामा १ सय ८० वटा सवारी साधान संलग्न भएको बताउदै उनले बढी जस्तो दुर्घटना चालकको लाफरबाहीले भएको देखिए पनि यान्त्रिक कारणले पनि दुर्घटना हुने गरेको जानकारी गराए ।
त्यसैगरी एक महिनामा ट्राफिक नियम उल्लंघन गर्ने ३ हजार २ सय ८० वटा सवारी साधानका चालकलाई कारबाही गरिएको जानकारी गराउदै उनले जसबाट २६ लाख २४ हजार ५ सय रुपैया राजस्व संकलन भएको जानकारी गराए । त्यसैगरी उक्त अबधीमा ११ नाल भरुवा बन्दुक बरामद गरिएको जानकारी गराउदै उनले दुई वटा मुद्धा दर्ता भएको र दुई जनालाई पक्राउ गरिएको बताए । त्यसैगरी ९५ लाख ७५ हजार ९ सय ८५ मूल्य बराबरका भन्सार छलीका सामान बरामद गरि आवश्यक कारबाहीका लागि सम्बन्धित निकायमा पठाइएको उनले जानकारी गराए । त्यसैगरी सुदूरपश्चिम प्रदेशका सबै जिल्ला गरी मंसिर महिनामा २ सय ५६ वटा मुद्दा प्रहरीमा दर्ता गरिएको जानकारी गराईएको छ । त्यसैगरी सुदूरपश्चिम प्रदेशमा मंसिर महिनामा जघन्य अपराधका ७४ वटा मुद्दा दर्ता भएको प्रदेश प्रहरी कार्यालयले जनाएको छ ।
वर्षौदेखि पेन्डिङमा रहेका दुई हजार ५ सय ५३ वटा मुद्दा मध्ये १ सय १४ वटा मुद्दा मंसिर महिनामा फछ्र्यौट भएको प्रदेश प्रहरी कार्यालयले जानकारी गराएको छ । अदालतको फैसाला कार्यान्वयन गर्न प्रहरीले प्रदेशभरबाट ५ सय २४ जना फरार प्रतिवादीलाई पक्राउ गरेको जानकारी गराईएको छ भने उनीहरूबाट एक करोड ६१ लाख ९९ हजार २ सय ९१ रुपैयाँ जरिवाना संकलन भएको जानकारी गराइएको छ । मंसिर महिनामा प्रदेशका सबै जिल्लामा महिला तथा बालबालिका सम्बन्धी २८ वटा उजुरी परेको कार्यक्रम्मा जानकारी गराईएको छ । त्यसैगरी प्रदेशमा १ सय ५५ जना हराएको उजुरी आएकोमा ९० जना भेटिएर आफन्तको जिम्मा लगाइएको जानकारी गराईएको छ ।
मंसिर महिनामा प्रदेशभरी प्रहरीमा ८ सय ११ वटा ठाडो उजुरी परेकोमा ७ सय ५६ वटा उजुरी फछ्र्यौट भएको प्रदेश प्रहरी कार्यालयले जनाएको छ । मंसिरमा मानव बेचविखनका ६ वटा मुद्दा दर्ता भएकोमा बेचविखनमा संलग्न पाँच जनालाई पक्राउ गरिएको छ भने एक जना फरार रहेको जानकारी गराईएको छ । मंसिर महिनामा मात्रै लागु औषधका ५६ वटा मुद्दा दर्ता भएको र दुई जना महिला र ८६ जना पुरूषलाई पक्राउ गरिएको कार्यक्रम्मा जानकारी गराईएको छ । प्रदेशभरी २१ जनाले आत्महत्या गरेको र सबैभन्दा बढी झुन्डिएर आत्महत्या गर्ने गरेको पाईएको प्रहरीले जनाएको छ । त्यसैगरी प्रदेश प्रहरी कार्यालयले मंसिरमा घरेलु हिंसाका ८० वटा उजुरी आएकोमा ६५ वटा मिलापत्र गरेको र बाँकी अदालत पठाइएको जानकारी गराएको छ ।
