मंसिर २५ कञ्चनपुर । कञ्चनपुर कारागारमा शुक्रबार दिउँसो झडप हुँदा ६ जना कैदीबन्दी घाइते भएका छन् । शुक्रबार दिउँसो ४ बजे कारागारमा कैदीहरुबिच भएको झडपका क्रममा ६ जना घाईते भएको जिल्ला प्रहरी कार्यालय कञ्चनपुरले जानकारी गराएको हो ।
किरण सिंह, करण कुँवर, दिनेश कुँवर, राजेन्द्र सुनार, संजिव भण्डारी र जनक खड्का घाईते भएका हुन । घाईते मध्ये, किरण सिंह, करण कुवँर, दिनेश कुवँर र राजेन्द्रको अवस्था गम्भिर रहेको प्रहरीले जनाएको छ । गम्भीर घाइते भएका चार जनाको महाकाली प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक सागर बोहराले जानकारी गराएका छन । झडपको विषयमा थप अनुसन्धान भइरहेको जानकारी गराउदै प्रहरी नायब उपरीक्षक बोहराले कारागार तनावग्रस्त अवस्था रहेको बताए ।
