पृथ्वी लोहार,मन्सिर २८ टिकापुर । टिकापुरको मालिक महिला उद्यमी कम्पनी प्रालीले स्थानिय उतपादन बिदेस निर्यात गर्दै आएको छ ।
आठ जनालाई रोजगारी दिँदै आएको उक्त कम्पनिले उत्पादन गरेका विभिन्न परिकारहरु अमेरिकासँगै युके, अस्ट्रेलिया, क्यानडा लगायतका देशहरूमा निर्यात गर्दै आएकि हो ।
टिकापुरमा बनेका अचार, गुन्द्रुक, माछा र मासुका अचार लगायतका परिकार उत्पादन गरि बिदेश निर्यात गर्दै उनले मुनाफा आर्जन गर्दै आइरहेकी छिन ।
मालिका महिला उद्यमी कम्पनीकी अध्यक्ष कल्पना जैसीले सुरुमा आफ्नो हजुरबुबाले सामान्य आइडिया दिएर यो व्यवसाय गर्न सुझाव दिएको बताउदै त्यसपछि महिलाहरूको समूह बनाएर निरन्तर मेहनत गर्दै आएको बताइन । अहिले विदेशमा निर्यात गर्न पाउँदा खुसी लागेको बताइन ।
अध्यक्ष जैसीले नेपाली युवाहरूलाई सन्देश दिँदै “लाखौँ रुपैयाँ खर्च गरेर विदेश जानुभन्दा, नेपालमै मेहनत गरे प्रसस्त आम्दानी गर्न सकिने बताइन । सानो ठूलो नभनेर काम गर्दै जाने हो भने,मेहनत गर्दै जादा नेपालमै सुन फलाएर प्रसस्त पैसा कमाउन सकिने अवस्था रहेको बताइन ।
स्थानीय गाउँघरका किसानहरूले उत्पादन गर्ने साग, मुला, चौधरी समुदायले खोलानालाबाट ल्याउने माछा प्रयोग गरेर अचार उत्पादन गर्दै विदेशमा पठाउने गरेको जैसिले बताइन ।हालसम्म आठ जनालाई रोजगारी समेत दिएको बताउदै उनले भविष्यमा ५० जनालाइ रोजगारी दिने लक्ष्य लियको जानकारी गराइन ।
