तेज सार्की,मङ्सीर २५ धनगढी । नेपाल– भारत सीमा नाका गैरिफन्टामा भारतिय सुरक्षाकर्मीले नेपाली नागरिकलाई कुटपीट गरेपछि स्थानीय आक्रोसित भएका छन । नेपाल–भारत सीमा नाका त्रिनगर–गौरीफन्टामा बिहिबार बिहान भारतीय सीमा सुरक्षा बल (एसएसबी) ले नेपाली नागरिकलाई कुटपीट गरेपछि स्थानीय आक्र्रोसित भएका हुन ।
कुटपीट गरिएको विषयमा स्थानीय व्यापारी र यात्रुहरुले सीमा नाकामा जम्मा भएर विरोध समेत गरेका छन । सशस्त्र प्रहरी बल नेपाल सीमा सुरक्षा गुल्म त्रिनगरले पनि नेपालीहरुले कुटपिट गरिएको गुनासो गरेको बताउदै कुटिएका व्यक्ति भने सम्पर्कमा नआएको जनाएको छ ।
कैलालीका प्रमुख जिल्ला अधिकारी हिरालाल रेग्मीले आवागमनमा कडाइ भएपछि सामान्य विवाद भएको बताए । उनले गुनासो गर्ने नेपालीहरु, सशस्त्र प्रहरी र एसएसबीबीच छलफल भएर समस्या समाधान भइसकेको बताए । नेपालमा जेन–जी आन्दोलन पछि भारतीय अधिकारीले भारत प्रवेश गर्ने नेपालीलाई चेकजाँचमा कडाइ गर्दै आएका छन् । नेपालीहरुसंग सक्कली परिचय पत्र भएपछि मात्रै भारत प्रवेश गर्ने अनुमति दिने गरेको छ ।
भारतमा मज्दुरी गरेर आउने नेपालीहरुलाई समेत कष्टमका कर्मचारीहरुले सताउने गरेको पुनर्वास नगरपालीका वडा नम्बर ११ का स्थानीय विनोद मगरातीले बताए । भारतमा मजदुरी गरेर फर्कीने क्रममा एकजनाबाट कम सामान भए एक सय र बढी सामान भए एक सय देखि एक हजार रुपैया सम्म भरतीय कस्टमले क्याविन भित्र बोलाएर लीने गरेको उनले बताए ।
