मंसिर २५ धनगढी । कैलाली र कञ्चनपुरका छुट्टाछुटै स्थानबाट लागू औषध सहित ७ जनालाई प्रहरीले पक्राउ गरेको छ । बुधबार कैलालीको टीकापुर नगरपालिका वडा नम्बर–९ खक्रौला चेकपोष्टबाट लागू औषध सहित जानकी गाउँपालिका वडा नम्बर– १ दुर्गौलीका २२ वर्षीय निराजन भुललाई प्हरीले पक्राउ गरेको हो ।
उनलाई ९० मिलिग्राम लागूऔषध खैरो हेरोइन सहित कालाकुण्डा प्रहरी चौकीबाट खटिएको प्रहरी टोलीले पक्राउ गरेकोे प्रदेश प्रहरी कार्यालय धनगढीले जानकारी गराएको हो । त्यसैगरी भीमदत्त नगरपालिका वडा नम्बर– १८ सालघारीबाट २५ वर्षीय हेमन्त धामीलाई प्रहरीले पक्राउ गरेको छ ।
उनको साथबाट ४६० मिलिग्राम लागूऔषध खैरो हेरोइन बरामद गरिएको प्रहरीले जानकारी गराएको छ । भीमदत्त नगरपालिका वडा नम्बर– ३ भाँसिबाट पनि लागूऔषध सहित ५ जनालाई प्रहरीले पक्राउ गरेको छ । वेदकोट नगरपालिका वडा नम्बर–४ बगुन घर भइ हाल धनगढी उपमहानगरपालिका वडा नम्बर–३ भाँसिमा बस्दै आएका २८ वर्षीय सुनिल बिष्ट सहित ५ जनालाई प्रहरीले पक्राउ गरेको हो ।
सुनिलको कोठा जाँच गर्दा ३ ग्राम ५४० मिलिग्राम लागूऔषध खैरो हेरोइन बरामद गरिए पछि सोहि कोठामा लागू औषध सेवन गरिरहेको अवस्थामा निलम अवस्थि, बिनोद ठगुन्ना, योजन शर्मा, भरत बमलाई पक्राउ गरिएको प्रहरीले जनाएको छ । उनीहरुलाई वडा प्रहरी कार्यालय महेन्द्रनगरबाट खटिएको प्रहरी टोलीले पक्राउ गरिएको बताइएको छ ।
