मंसिर २४ धनगढी । कैलालीको टीकापुरबाट खैरो हेरोइन सहित ३ जनालाई प्रहरीले पक्राउ गरेको छ । टीकापुर नगरपालिका वडा नम्बर–९ खक्रौला चेकपोष्ट नजिकबाट टीकापुर नगरपालिका वडा नम्बर–८ कर्मीडाडा बस्ने ३१ वर्षीय प्रविण साउद र २६ वर्षीय धनबहादुर चौधरीलाई प्रहरीले पक्राउ गरेको हो ।
उनीहरुको साथबाट ८ सय ६० मिलिग्राम खैरो हेरोइन फेला पारी उक्त पदार्थ सहित दुवै जनालाई प्रहरी चौकी कालाकुण्डा, कैलालीबाट खटिएको प्रहरी टोलीले नियन्त्रणमा लिएको प्रहरीले जनाएको छ । त्यसैगरी टीकापुर नगरपालिका वड नम्बर–९ बालुवाटार चोक स्थित सडक खण्डबाट सोही ठाउँ बस्ने २८ वर्षीय कृष्णबहादुर साउदलाई ४ ग्राम ५० मिलिग्राम खैरो हेरोइन सहित इलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको छ ।
चोरी र लागूऔषध मुद्दामा फरार धनगढीका २ जनालाई पनि प्रहरीले पक्राउ गरेको छ । त्यसैगरी चोरी मुद्दामा २ वर्ष कैद सजाय र २० हजार जरिवाना तोकिएका धनगढी उपमहानगरपालिका वडा नम्बर–१४ बस्ने ३२ वर्षीय मोहन कठायत र लागूऔषध मुद्दामा १ महिना ५ दिन कैद सजाय तोकिएका धनगढी उपमहानगरपालिका वडा नम्बर–१ बस्ने ३७ वर्षीय निरन्जन पन्तलाई प्हरीले पक्राउ गरेको हो ।
जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका दुबै जनालाई मंगलवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।
