कार्तिक १७ डडेल्धुरा । डडेल्धुराको पर्यटकिय क्षेत्रका रुपमा रहेको प्राकृतिक डाडो कस्या टाकुरोमा नागरिक स्तरबाट सरसफाई गरिएको छ । करिब आधा करोड खर्च गरी अलपत्र अवस्थामा रहेको कस्या टाकुरोमा ईसाई धर्मालम्बी जवानहरुले सरसफाई गरेका हुन ।

जिल्ला सदरमुकामको अमरगढी नगरपालिका वडा नम्बर ७ पोखरा बजार भन्दा माथिको अग्लो डाडो कस्या टाकुरो हो । जिल्ला सदमुकाम अमरगढी नगरपालिका क्षेत्र, नवदुर्गा, गन्यापधुरा, अजयमेरु गाउँपालिकाको अधिकांस भु–भागसँगै महाभारत पर्वत श्रृङ्खला लगायत डोटी, आछाम, बैतडी र भारतको उत्तराखण्डका विभिन्न स्थानको नांगो आखाले मनोरम दृष्यावलोकन गर्न सकिन्छ ।

हरेक दिन, फुर्सद निकालौ एक छिन” भन्ने नारा सहित सरसफाई अभियान सञ्चालन गरिएको ईसाई जवान गणेश श्रेष्ठले जानकारी गराए । कस्या टाकुरो क्षेत्रमा गरिएको मानविय फोहोर र झारपात सङ्कलन गरी जलाइएको उनले बताए ।

परमप्रभु परमेश्वरले मानिसलाई अदानको बगैँचामा लीएर त्यसको गोडगाड र हेरचाह गर्न राखेको उनले बताए । उत्पत्ति २ः१५ पबित्र बाईबलमा उल्लेख महाव वाक्यको अनुसरण गर्दै सरसफाई अभियान सञ्चालन गरिएको उनले बताए ।

प्लाष्टिक जन्य र प्राकृतिक रुपमा पलाएको झाडीको सरसफाई गरिएको बताउदै कस्या डाडोमा प्रवेश गर्ने बाटोमा निर्माण गरिएको फलामे गेटमा रङ रोगन गरिने श्रेष्ठले बताए ।

कस्या टाकुरो क्षेत्रलाई प्राकृति दृश्यवलोकनका लागि उड्यानका रुपमा विकास गर्न अमरगढी नगरपालिकाले आर्थिक वर्ष २०७७÷०७८ मा पहिलो पटक ७२ लाख रुप?ैयाँ बराबरको बोलपत्र आह्वान गरी केही पक्कि सिंढी, पर्खाल र रेलिंग लगाएको उनले बताए ।

त्यस अघि उपभोक्ता समिति मार्फत नगरपालिकाले ५० हजार रुपैयाँ खर्च गरि बाटोको खाका निर्माण गरेको उनले जानकारी गराए । त्यस यता कस्या टाकुरो क्षेत्र अलपत्र रिेको बताईएको छ । निर्माण गरिएका भौतिक पूर्वाधारका संरचना जिर्णबन्दै गएको उनले बताए ।

अवलोकन कर्ताहरु त्याहा पुग्ने गरेपनि सडक क्षेत्रमा पार्किंग, डाडो क्षेत्रमा बस्न, थकान मेट्न टहरा, चमेना गृह तथा शौचालय नहुदा हैरानी खेप्नु परेको स्थानीय दिपकराज भट्टराईले बताए ।

सदरमुकाम भन्दा १२ किलो मिटर उत्तर तर्फ महाकाली राजमार्गसँगै जोडिएको कस्या डाँडोलाई धार्मिक एवम् दृश्यावलोकन र बनभोज स्थलका रुपमा विकसित गर्न भौतिक पूर्वाधारको काम गरिए पनि २०७८ यता निर्माण गरिएका भौतिक पूर्वाधारहरु जिर्ण बन्दै गएको उनले बताए ।

कस्या डाँडो समुद्रि सतह देखि ६ हजार ५ सय फिट भन्दा बढी उचाईमा रहेको उनले बताए । सदरमुकाममा रहेको ऐतिहांसिक ढुंगे अमरगढी किल्लाको उचाई समुन्द्री सतह देखि ६ हजार ५ फिट मात्रै रहेको बताउदै उनले कस्या डाँडो माथिबाट अमरगढी किल्ला लगायत अन्य थुप्रै स्थानको दृश्य देखिने भएकाले योभन्दा बढी उचाई भएको मान्न सकिने बताए ।

डडेल्धुरामा जिवित सताब्दियौ पुराना धार्मिक तथा ऐतिहासिक स्थानका रुपमा अजयमेरु कोट, अमरगढी किल्ला, उग्रतारा मन्दिर आदीलाई लिइने गरिएको छ । प्राचिन कालमा कस्या टाकुरोमा राजकोट रहेको स्थानिय केशव भण्डारीले बताए ।

टाकुरोमा भौतिक पूर्वाधार निर्माणका क्रममा ढुङ्गाको एउटा ओखल, एउटा सिलउटो र माटोको गांग्राको एउटा टुक्रा भेटिएको उनले बताए । यसले पनि कुनै कालखण्डमा मानव वस्ति रहेको हुनसक्ने अनुमान गरिएको उनले जानकारी    गराए ।

ईतिहास केलाई यथार्थ जानकारी गराउने गरी अभिलेख राख्न सके एवम् दृश्यावलोकनको क्षेत्रका रुपमा सम्बद्र्धन गरी प्रबद्र्धन गर्न सके कस्या डाँडोलाई पर्यटकिय क्षेत्रका रुपमा विकसित गर्न सकिने उनले बताए ।

डडेल्धुरा–बैतडी जोड्ने महाकाली राजमार्गको बोल्याबाँझ मोडबाट कस्या टाकुरोमा पुग्न करिब १५ मिनेटको पैदल उकालो चढ्नु पर्ने उनले बताए ।

भौतिक पूर्वाधारका संरचना निर्माण भए पछि बिहान सूर्याेदय र बेलुकी सूर्यास्तको दृश्य मनमोहक हुने भएकाले अवलोकन कर्ताको सङ्ख्यामा वृद्धि हुँदै गएको भए पनि पछिल्ला वर्षहरुमा आवश्यक अन्य भौतिक पूर्वाधारका संरचना निर्माण हुन नसक्दा अवलोकन गर्नेहरु घट्दै गएको उनले बताए ।

निर्माण गरिएका भौतिक पूर्वाधारका संरचनाहरु पनि जीर्ण हुँदै गएको उनले बताए ।