भदौ ०५ धनगढी । मोहना नदीले खेतीयोग्य जमिन कटान गर्न थालेपछि किसान चिन्तित भएका छन् । कैलारी गाउँपालिका वडा नम्बर–३ स्थित खोनपुर र शिवरत्नपुर गाउँमा मोहना नदीले खेतीयोग्य जमिन कटान गर्न थालेपछि किसान चिन्तित भएका हुन ।
शिवरत्नपुरका कमल चौधरीले नदीले दुबै गाउँतर्फ कटान गर्दै आएको बताउदै अहिलेसम्म धेरै किसानको खेतीयोग्य जमिन कटान गरिसकेको बताए । यसवर्ष नदीमा अहिलेसम्म ठुलो बाढी नआएको बताउदै उनले जमिन कटान हुँदै आएको बताए ।
नदीले धेरै कटान गरिसकेको बताउदै उनले कटानले गाउँसमेत जोखिममा परेको बताए । केही वर्ष अगाडि मात्र शिवरत्नपुरमा नदीले कटान गर्दा केही परिवारको उठीबास भएको उनले जानकारी गराए ।
नदीले फेरि कटान गर्न थालेको चौधरीले बताए । तीन बिघासम्म खेतीयोग्य जमिन कटान भइसकेको बताउदै उनले अब बाटो कटान भइरहेको बताए । त्यसैगरी, अर्कोतिर नदीले खोनपुरको खेतीयोग्य जमिन कटान गरिरहेको बताउदै उनले नदीले किसानको लगभग ३५ बिघा जमिन कटान गरिसकेको बताए ।
त्यसैगरी वडा अध्यक्ष सन्तराम चौधरीले कटान गर्दै मोहना नदी नर्सरी सम्म पुगिसकेको े जानकारी गराए । कटान नियन्त्रण गर्न पालिकाको बजेटले सम्भव नभएको बताउदै उनले प्रदेश सरकारले तटबन्ध निर्माणका लागि सहयोग गर्नुपर्ने बताए ।
पालिकाको बजेटले सम्भव छैन । थोरै बजेटले कटान नियन्त्रण हुँदैन” वडा अध्यक्ष चौधरीले भने । भौतिक तटबन्ध निर्माणका लागि
प्रदेश सरकारले सहयोग गर्न आवश्यक छ ।
